Kumasi

From Wikipedia
Jump to: navigation, search

Kumasi: (Kumase) ye Ghana kuro kesee a eso sene Ghana nkuro nyinaa gyese Nkran (Accra). Nnipa a ewo Kumasi beye Opepepem baako (1,000,000) Kumasi abako sem firi Asantehene Nana Osei Tutu a Odi Kan bere so. Abakosem kyerese, enam Nana Osei Tutu adamfo bi a wofre no Komfo Anokye so na emaa Kumasiman yee kese. Wokyere se Komfo Anokye duaa dua mmienu wo baabi a ene yi yefre no Kumasi yi ene baabi a ene wofre no Kumawu. Dua no a woduaa no Kumawu no wuui maa ekaa Kumasi dua no. Eno na eboa maa Kumasi beyee Asanteman kuro kese ne won ahenkuro.

Kumasi2 Ghana.jpg

Eye Asantefoo kuro kesee a eho na Asantehene, Otumfuo Osei Tutu a Oto So Mmienu ahenfie wo. Ewo edwa kesee adwadifoo efiri atifi, anaafoo, apue ne atoee nyinaa bedi dwa dabiara. Asanteman afahye nyinaa no, Kumasi na wodi no.

Asantehene: Asantehene a, ote Asika Dwa Kokoo Soo, ebeye mfie edu nie na obedii ne wofa, Otumfuo Opoku Ware Oto so Mmienu adee. Asanteman do won ahenfo de ebuo ma won nyinaa sedee ese wo Ghana ahenfo nyinaa mu.

Adesua:Adesua anaa se nwoma sua mu no, se woyi Nkran firi ho a, kuro biara nni Ghana a ewo sukuu pii sen Kumasi. Sukuu pon ahodoo bebree na ewo ho. Emu atitire bi ne Kwame Nkrumah Sukuu Pon no (Kwame Nkrumah University of Science and Technology (KNUST).Edin a nkurofoo taa de fre KNUST no ye Tek. Asukuufoo a esua adee wo KNUST beye mpem du num (15,000). Ghana man panin a odi kan, Osagyefo Dr. Kwame Nkrumah bere so na wo sii sukuu kesee yi. Saa sukuu pon yi atere ama sukuu nketewaa bebree nso hyehye mu. Ebi ne School of Medical Sciences, School of Engineering ne School of Agriculture.

Sukuu akesee bi nsoso ne sukuu pon a ede University of Education, Kumasi Campus, ene mmiensa bi a ennye aban dea te se KNUST. Ene Christian Service University College (CSUC), Ghana Baptist University ene Garden City University ewo Kumasi nkwantia kuro bi a yefre no Ankaase. Kumasi Polytechnic ene tikyafoo (akyerekyerefoo) sukuu mmienu nso a yefre won Wesley College of Education ene St. Louis College of Education ewo ho. Eyinom akyi no Mpanifoo Nko Animu Sukuu bebree nso so wo ho. Ebi ne Prempeh College, Opoku Ware, Ahmadiya ene Yaa Asantewaa.

Ayaresabea: Kumasi nso wo ayaresabea ahoduo a emu kesee no ne Komfo Anokye Teaching Hospital. (KATH). Saa ayeresabea yi nso ye sukuu pon Tek adesua bea. Komfo Anokye Asaresabea akyi no, ayaresabea nketewa bebree nso so wo Kumasi mpotam nso so eboa hye yadea ahodoo pii.

Agodie: Bool bo anaa soka ne agoro titire ewo Kumasi ne ne mpotam. Agodie ekuo baako a agye din yie ne Asante Kotoko. Won adi kan wo akansie bebree wo Ghana ne amanano nyinaa. Won mmrane ne se "Asante Kotoko, wokum apem a apem beba" Akansie bool kuo baako a won taa ne Kotoko hyia mu ene Accra Hearts of Oak a won wo Nkran.