Enoch Teye Mensah

Wɔatwerɛ nsɛm wei ɛwɔ Asante kasa mu

Enoch Teye Mensah

nnipa

sex or gender	male
country of citizenship	Ghana
given name	Enoch
date of birth	17 Kotonimma 1946
place of birth	Koforidua
date of death	1 Ahinime 2023
languages spoken, written or signed	English
occupation	Amanyɔni, accountant
educated at	Institute of Financial Accountants
member of political party	National Democratic Congress (Ghana)
religion or worldview	Methodism

Enoch Teye Mensah a yɛwoo no Kɔtɔnimaa bosome da a ɛtɔ so dunson (17) wɔ afe apem ahankron ne aduanan nsia (1946-2023) mu yɛ amanyɔni. Na ɔyɛ mansoafoɔ ma asoeɛ a ɛhwɛ nnwomasua so ne mmarahyɛbadwani firi Ɔpɛpɔn bosome mu wɔ afe apem ahankron ne aduokron nson (1997) mu de kɔsi Ɔpɛpɔn bosome mu wɔ mfeɛ mpem mmienu ne dunson mu (2017).

Nwomasua ne Abrabɔ ahyɛase

Wɔwoo Mensah wɔ Kɔtɔnimaa bosome da a ɛtɔ so dunson (17) wɔ afe apem ahankron ne aduanan nsia (1946) mu na ofiri Prampram a ɛwɔ Nkran mantam a ɛwɔ Ghana mu. Ɔkɔɔ sukuu wɔ SNAPS kɔlege of Accountancy, a owieeɛ wɔ afe apem ahankron ne aduosia nwɔtwe mu (1968). Ɔsane so nyaa ne RSA III wɔ afe apem ahankron ne aduoson mu (1970), na ɔbɛyɛɛ Institute of Financial Accountants mu nipa wɔ afe apem ahankron ne aduowɔtwe nsia (1986). Ɔyɛ Account Ɔfesa a ɔyɛ adwuma wɔ University of Ghana, Legon sɛ sikasɛm ho kyeame (Accounting Officer).

Amanyɔsɛm

Sɛ Nkran kurow sohwɛfoɔ (Mayor)

Wɔ PNDC asraafoɔ mmerɛ so wɔ Ghana no, na wayɛ Nkran AMA no panyin akyɛ, na ɛno ɛnam so na ɔde bɛyɛɛ kurow no sohwɛfoɔ. Ɔkɔ kaa Kyiniiɛ Amanyɔkuo (National Democratic Congress) no ho wɔ berɛ a wɔtee kuo no wɔ afe apem ahankron ne aduokron mmienu mu (1992).

Sɛ Mmarahyɛbadwani

Wɔ afe apem ahankron ne aduokron nsia mu (1996) no, Ogyinaeɛ wɔ Ghana mmarahyɛbadwam abatoɔ na odii nkunim bɛyɛɛ Ningo-Prampram mpasua no mmarahyɛbadwani, a ɔtenaa mpasua no akonnwa so wɔ mmarahyɛbadwam bɛyɛ mfeɛ du. Berɛ NDC dii nkoguo wɔ mfeɛ mpem mmienu (2000) abatoɔ akyire no, ɔkɔɔ so yɛɛ mmarahyɛbadwani. Sam George bedii Mensah adeɛ wɔ Obubuo bosome da a ɛtɔ so aduonu baako wɔ mfeɛ mpem mmienu ne dunum (2015) NDC mpasua agyinafoɔ abatoɔ no mu. Wadi dwuma sɛ mmarahyɛbadwam dɔmkuma Chief Whip ansa wɔrebɛto Ghana mmarahyɛbadwam abatoɔ wɔ mfeɛ mpem mmienu ne nwɔtwe mu (2008). Wɔ Ɔpɛpɔn bosome wɔ mfeɛ mpem mmienu ne nkron (2009) mu no, ɔbɛyɛɛ dɔmkɛseɛ no Chief Whip wɔ mmarahyɛbadwam.

N'abrabɔ

Mr. Mensah aware wɔ mma nson.

Abatoɔ

Mr. Mensah yɛ Ghana amanyɔni na wɔyii sɛ mmarahyɛbadwani ma mmarahyɛbadwam a ɛtɔ so mmienu wɔ Ghana adehyeman a ɛtɔ so nan berɛ wɔtoo afe apem ahankron ne aduokron nsia (1996) Ghanaman nyinaa abatoɔ no mu. Ɔde mma mpem dunum, ahansia ne aduoson nson (15,677) a na egyina hɔ ma ɔha nkyekyɛmu aduonum nsia ne akyirepɔ du (56.10%) a ɔde dii n'akansifoɔ; Desmond Nene Quaynor a onyaa mma apem, ahanum ne aduosia nkron (1,569) a egyina hɔ ma ɔha nkyekyɛmu num ne akyirepɔ aduosia (5.60%) wɔ mma dodoɔ a ɛbaeɛ no nyinaa mu na Gwendolyn Sara Addo a wannyina amma amanyɔkuo biara no nso nyaa mma apem, ahanum ne aduasa nson (1,537) a egyina hɔ ma ɔha nkyekyɛmu num ne akyirepɔ aduonum (5.50%) . Ɔkɔɔ so tenaa Ningo Prampram akonnwa so wɔ mmarahyɛbadwam de kɔsii mfeɛ mpem mmienu ne dunsia (2016) mu a Samuel George Nartey betuu no.

Abasobɔdeɛ

Ɔmampanini dada John Agyekum Kufuor de Companion of the Order of the Volta abasobɔdeɛ maa no.