United Party

Wɔatwerɛ nsɛm wei ɛwɔ Asante kasa mu

United Party
Ɔkandifoɔ	Kofi Abrefa Busia
Bre a wɔde sii hɔ	1957
Dissolved	1964
Merger of	National Liberation Movement Northern People's Party Anlo Youth Organisation Muslim Association Party Togoland Congress Ga Shifimokpee
Asoɛe	Accra

United Party yɛ amanyɔkuo na ne ɔne anayɔkuo foforɔ repere ɔmanpanin akonwa wɔ Ghana Adehyeman deɛ ɛdi kan no mu. Ɔno nko ara ne amanyɔkuo na ɔkasa tie nnoɔma amanyɔkuo Convention people's party reyɛ na ɛtie Ghanafoɔ firi afe apem ahenkron aduonum nson de kɔsi afe apem ahenkron aduonu- nnan bere Ghana dee ne ho no.

Amanyɔkuo no Teɛ

Bere a Ghana dee ne ho firii aborɔfo no nsam wɔ Ɔbɛnim bosome da ɛtɔ so nsia afe apem ahenkron aduonum nson mu no, Ghana mmrahyɛbadwa wɔ saa bere no mu hyɛɛ mmra de tiaa nyiyimu ɛsane de ɔhyɛ too amanyɔkuo biara na ɔreyɛ nnipa nyiyimu ne mpaepaemu wɔ sɛ ebia nnipa no nyɛ me kurom ni nti ɔnka ho, ɔnka mesom ho nti yɛne no nni twaka sɛ wɔntumi nni dwuma firi Ɔpɛnimaa bosome da ɛtɔ so aduasa baako wɔ saa afe korɔ no ara mu. Mmra no din ne;

Mmra ɛtia ɛkuo biara ne ngyinasoɔ ne sɛ yɛfiri 'tribe' baako

Yɛyɛ nnipa kuo ne som mu foɔ baako ne deɛ ɛkeka.

Mmra yi kyerɛ sɛ amanyɔkuo biara ɛwɔ hɔ saa bere no tia Mmra. Saa Amanyɔkuo yi binom ne Northern People's Party, Muslim Association Party, National Liberation Movement (NLM), Anlo Youth Organization, Togoland Congress ne Ga Shifimokpee. Yei nti saa amanyɔkuo yi nyinaa kabɔɔ mu a na Owura Kofi Abrefa Busia na ɔyɛ kandifo wɔ amanyɔkuo United Party no mu.

Amanyɔkuo no Guo

Amanyɔkuo no dwumadie sɛ ɔko tia amammuo bɔne ankɔ so papa biara ɛfiri sɛ na,wɔnhunu sɛ ɔyɛ amanyɔkuo nnipa agye atom wɔ Ghana ha ansa na Ghana rebɛyɛ Adehyeman wɔ afe apem ahenkron aduosia mu. Ɛwɔ Ɛbɔ bosome mu wɔ afe apem ahenkron aduosia mmienu mu no, mmrahyɛbadwa no hyɛɛ Mmra sɛ Ghana mmɛyɛ amammuo baako man. Ghanafoɔ gye too mu bere wɔkɔ too aba sɛ wɔbɛgye atom anaa wɔngye nto mu wɔ Ɔpɛpɔn bosome mu wɔ afe apem ahenkron aduosia nnan mu. Na Yei kyerɛ sɛ amanyɔkuo biara wo kasa tia aban no amammuo no awieɛ aba. Na saa nsɛm yi toaa so kɔ sii Ɔgyefoɔ bosome da ɛtɔ so aduonu nnan wɔ afe apem ahenkron aduosia nsia bere wɔde asrafoɔ tuu Kwame Nkrumah aban no guiɛ.