Gheysika Adombire Agambila

Gheysika Adombire Agambila

nnipa

sex or gender	male
country of citizenship	Ghana
date of birth	20. century
place of birth	Bolgatanga
languages spoken, written or signed	English
occupation	Amanyɔni, writer

Gheysika Agambila yɛ amanyɔni wɔ ɔman Ghana mu. ɔfiri kuro a yɛfrɛ no sɛ Bolgatanga Atifi Apuieɛ mantam no mu wɔ Ghana. ɔyɛɛ ayɛsɛm a wɔato din Journey, Emigrant ne mmɔfra nwoma Solma ne Abɔdeɛ mu anansesɛm twerɛfoɔ. Ɔsan nso twerɛɛ agorɔ mmiensa: Bolga Ɔbɔdamfoɔ, Afipamfoɔ ne Oh God, Ma Me Nkwa Foforo.

Abrabɔ ahyɛaseɛ ne nwomasua

Ɔbenfoɔ Gheysika Adombire Agambila suaa adeɛ wɔ Navrongo ne Achimota Ntoasoɔ Sukuu mu. Afei ɔtoaa n’adesua so wɔ USA wɔ Brandeis Sukuupɔn (B.A.), Rochester Sukuupɔn, (M.B.A.) ne New York Sukuupɔn (Ph.D.). Berɛ a ɔde mfeɛ pii yɛɛ adwuma wɔ USA no, ɔsan kɔɔ Ghana.

N'abrabɔ

Dr Agambila ayɛ Ɔmanpanyin Abadiakyire wɔ Ghana aban mu a ɔsom wɔ Sikasɛm ne Sikasɛm Nhyehyɛe, Hyɛn Gyinabea ne Keteke, ne Nyansahu ne Nnoɔma a Atwa Yɛn Ho Ahyia Dwumadibea. Na ɔyɛ Ɔkyerɛkyerɛfoɔ wɔ Ghana Suapɔn Adwumayɛ Sukuu mu ne Ɔman Sikasɛm ho Ɔkyerɛkyerɛfoɔ Panyin wɔ Ghana Institute of Management and Public Administration (GIMPA), na ɔyɛɛ adwuma wɔ sikasɛm ho afotuo adwuma mu wɔ Seirra Leone ne National Development Planning Commsion of Ghana. Na ɔyɛ Ghana Amanyɔ Mmara Nhwehwɛmu a Wɔde Di Dwuma abadwakuo no mu ni. Ɔsan nso ayɛ Ghana Atwerɛfoɔ Fekuw (GAW) no Sikakorabea ne Titenani Abadiakyire.