Ernest Debrah

Wɔatwerɛ nsɛm wei ɛwɔ Asante kasa mu

Ernest Akobuor Debrah (Ɔpɛpɔn 3, 1947. Ne man yɛ [3] Ɔberɛfɛw  6 April 2016) yɛ Ghana amanyɔni.

Abrabɔ Ahyaseɛ ne Nwomasua

Wɔwoo Ernest Kwaku Akobour Debrah wɔ Ɔbɛnem da a ɛtɔ so mmiɛnsa, afe apem ahankron aduɔson nson, na ne maame James Emmanuel Debrah ne Elizabeth Akosua Kontoh Debrah. Na ɔyɛ mma dumien a n’awofo woo wɔn no mu nea ɔto so abiɛsa. Ɔfiri Tanoso a ɛwɔ Brong Ahafo Mantam mu wɔ Ghana . Ɔwiee ne mfitiaseɛ ne ntoaso sukuu wɔ Sunyani Ntoaso Sukuu ne Ghana National College, Ernest Debrah wiee Kwame Nkrumah Suapɔn a ɛhwɛ Nyansahu ne Mfiridwuma so wɔ afe 1972 mu a ɔnyaa Bachelor of Science abodin krataa wɔ Asase Sikasɛm mu. Afei ɔkɔɔ so nyaa Master of Business Administration abodin krataa wɔ adwumayɛ mu wɔ Strathclyde Sukuupɔn, Glasgow wɔ afe 1995.

Adwuma

Debrah yɛ sikasɛm ho ɔbenfo wɔ n’adwuma mu. Ɔayɛ adwuma sɛ Retain Banking Unit no sohwɛfoɔ panin wɔ Société Générale - Social Security Bank, a akyiri yi wɔbɛfrɛɛ no Societe Generale Ghana Limited adwumayɛbea ti.

Amanyɔsɛm

Na Debrah yɛ mmrahyɛbaguani ma Tano North mantam no wɔ mmrahyɛbagua a ɛtɔ so nnan ne 5 wɔ Ghana man a ɛtɔ so nnan no mu. Na ɔyɛ Aduan ne Kuadwuma soafoɔ (Ɔpɛpɔn 2005 kɔsi Ɔpɛpɔn 2009), na wadi kan ayɛ Ɔmantam Ɔsoafoɔ ama Brong-Ahafo na afei Ɔmantam Ɔsoafoɔ a ɔhwɛ Atifi Mantam so firi Ɔpɛpɔn 2001 kɔsi Ɔpɛpɔn 2004. Wɔpaw no sɛ ɔmmɛyɛ mmrahyɛbaguani fi Tano North wɔ December 2004 mu. Wɔmaa no abasobɔdeɛ wɔ afe 2009 mu wɔ Akuafoɔ Da afahyɛ no mu.

Abatow a wɔyɛ

Wɔdii kan paw Debrah sɛ mmrahyɛbadwani mma Tano North mantam no wɔ afe 2004 Ghana amansan abatoɔ mu. Wɔde abatow 15,868 na ɛpaw no wɔ abatow a ɛfata a wɔtow nyinaa mu 26,983 mu. Eyi ne abatow a ɛfata a wɔtow nyinaa mu 58.80% yɛ pɛ. Wɔpaw no sen Charles Appiagyei a ofi Ɔman Democratic Congress, Nyamekye Florence a ofi Democratic People's Party, Daniel Dabie Boateng a ofi People's National Convention ne Nana Ampabeng Daniel K Kyeremeh a ofi Convention People's Party . Eyinom nyaa abatow 10,253, abatow 485, abatow 210 ne abatow 167 wɔ abatow a ɛfata a wɔtow no nyinaa mu. Eyinom ne 38.00%, 1.80%, 0.80% ne 0.60% yɛ pɛ wɔ abatow a ɛfata a wɔtow wɔ saa abatow no mu nyinaa mu. Debrah dii nkonim wɔ New Patriotic Party no tekiti so . Na ne mansin no yɛ amansin 14 a ɛwɔ amansin 24 a New Patriotic Party dii nkonim wɔ Brong Ahafo mantam mu wɔ saa abatow no mu no fa. Sɛ yɛka ne nyinaa bom a, New Patriotic Party no nyaa dodoɔ no ara a ɛyɛ mmrahyɛbagua ananmusifoɔ 128 wɔ mmrahyɛbagua nkongua 230 a ɛwɔ mmrahyɛbagua a ɛtɔ so nnan a ɛwɔ Ghana man a ɛtɔ so nnan no mu.

Ankorankoro asetra

Na Ernest Akobuor Debrah yɛ Kristoni na ɔwaree na ɔwɔ mma baanan.

Owuo

Ɔwuiɛ wɔ yareɛ tiawa bi akyi Dwoda 6 Ayɛwohomumɔ 2016, wɔ ne tenabea.