Eric Opoku (amanyɔni)

Eric Opoku yɛ Ghana amammuini ne Mmarahyɛ Bagua a ɛtɔ so nson ne Mmarahyɛ Bagua a ɛtɔ so nwɔtwe a ɛwɔ Ghana Republic a ɛtɔ so nnan no muni a ɔgyina Asunafo South Constituency ananmu wɔ Brong-Ahafo Mantam mu wɔ National Democratic Congress tekiti so

Mfitiase asetra ne nhomasua

Wɔwoo Eric Opoku wɔ 5 Ɔbɛnem 1970. Ɔfiri kuro bi a wɔfrɛ no Sankore a ɛwɔ Brong Ahafo mantam mu wɔ Ghana. Ɔnyaa ne Bachelor of Arts abodin krataa wɔ Social Science mu wɔ Kwame Nkrumah University of Science and Technology wɔ afe 2004.

Adwuma

Opoku yɛ okuafoɔ/ kuayɛfoɔ. Ansa na wɔrepaw no sɛ ɔnyɛ mmarahyɛ bagua no, na ɔyɛ adwuma sɛ ɔkyerɛkyerɛfo wɔ Ghana Nhomasua Dwumadibea wɔ SDA Mfitiase Sukuu a ɛwɔ Sankore, fi afe 1997 kosi afe 2000. Ɔne Kuapa Kookoo Ltd nso ayɛ adwuma sɛ Asafo Nkɔsoɔ Ɔkyerɛwfoɔ firi afe 1998 kɔsi afe 2001.

Amammui mu adwuma

Wɔdii kan paw Opoku sɛ ɔmmɛyɛ mmarahyɛ bagua wɔ Ghana man a ɛtɔ so nnan no mmarahyɛ bagua a ɛtɔ so mmiɛnsa mu sɛ mmarahyɛ bagua no muni ma Asunafo Anafoɔ mantam a ɛwɔ Brong Ahafo mantam mu wɔ Ghana. Ɛwom sɛ ɔhweree n’akongua wɔ abatoɔ a ɛdi hɔ no mu deɛ, nanso wɔsan paw no sɛ ɔkɔɔ mmarahyɛ bagua mu wɔ 7 Ɔbɛnem 2013 berɛ a ɔkaa sɛ ɔdii nkonim wɔ afe 2012 Ghana Amansan Abatoɔ no mu sɛ ɔbɛgyina Asunafo Anafoɔ mantam ananmu na ɔdii dwuma kɔsii Ɔbɛnem 6, 2017. Afei wɔsan paw no wɔ 7 Ɔbɛnem 2017 wɔ afe 2016 Ghana Amansan Abatoɔ no akyi baabi a ɔnyaa abatoɔ a ɛfata no mu 52.97%.

Ɔayɛ adwuma sɛ Brong Ahafo Ɔmantam Ɔsoafoɔ Abadiakyiri firi afe 2009 kɔsi afe 2013. Wɔ Ghana republic a ɛtɔ so nnan no mmarahyɛ bagua a ɛtɔ so nson mu no ɔyɛɛ adwuma wɔ Aduan, Kuadwuma ne Kokoɔ Nsɛm Boayikuo no mu sɛ Ɔmanpanyin a ɔdi kan. Ɔsan nso yɛɛ Hokwan Boayikuw ne Nnipa a Wɔpaw Wɔn Boayikuw no mu wɔ mmarahyɛ bagua koro no ara mu.

Opoku nyaa abasobɔdeɛ sɛ mmarahyɛ baguani a ɔsen biara wɔ mpɔtam ne nkuraaseɛ nkɔsoɔ ho wɔ afe 2017 mu firii Bureau of Research on Governance, Commerce and Administration (BORGCA) hɔ. Wɔde saa abasobɔdeɛ yi maeɛ wɔ ne mmoa a ɔde maeɛ wɔ nkɔsoɔ nnwuma mu wɔ Asunafo Anafoɔ mantam mu.