Adowa
- Wɔatwerɛ nsɛm wei ɛwɔ Asante kasa mu
Adowa(
pronunciation of "Adowa" (help·info)) yɛ asa a Akanfoɔ a wɔwɔ Ghana sa. Ɛyɛ asa a agye din wɔ Ghana paa na wɔtaa sa wɔ dwumadie bi te sɛ ayie, afahyɛ ne ayeforohyia ase. Adowa yɛ asa a ɛma wɔn a wɔsa no tumi da wɔn atenka ne nea wɔdwen wɔ asɛm bi ho adi denam sɛnea wɔto wɔn nsa ne wɔn nan bere a wɔresa no. Ɛsono dwumadie biara ne sɛnea sɛnea wɔ keka wɔn ho berɛ a wɔresa Adowa. Wɔ ayeforohyia ase no, wɔsa de kyerɛ sɛ wɔn ani agye nanso wɔsa de kyerɛ awerɛhoɔ wɔ ayie ase.[1][2]
Abakɔsɛm
[sesa]Abakɔsɛm a wɔde ano ka ma yehu sɛ, bere a akokoakoko firii aseɛ no, yareɛ bɔɔ Asantefoɔ Hemaa Panyin bi. Berɛ a wokobisaa mu no, Ɔkɔmfo Panyin no ma wohuu sɛ ansaana ne ho bɛtɔ no no, gye sɛ adowa a ɔte ase de yi apaeɛ ma abosom no. Eyi nti wɔpaw mmarima kɔɔ kwaeɛ no mu sɛ wɔnkɔpɛ adowa no bi mmra. Bere a wokohunuu bi no, sɛnea na aboa no tutu ne nan dannan ne ho no yɛɛ wɔn fɛ na wosuasuae. Berɛ a wɔde aboa no baa fie wiei no, wɔbɛyɛɛ nea wohunii no kyerɛɛ wɔn a wɔwɔ fie no na wɔn nso ani gyee ho. Mmaa no suae na wɔdanee ani kakra de yɛɛ asa.[3]
Ahosiesie A Wɔde Sa
[sesa]Wɔn a wɔsa no taa fura Kente na wokuta ntama fitaa a wohim bere a wɔresa no. Dwumadie no na ɛkyerɛ Kente ahosuo a wofura. Wɔ dwumadie bi te sɛ ayie ase no, wofura tuntum ne kɔɔgyan anaa fitaa dekyerɛ sɛ wɔwɔ awerɛhoɔ mu. Wɔ dwumadie afoforɔ ase no nyinaa no, wofura Kente ahosuo ahodoɔ a ɛyɛ fɛ na ani da hɔ. Wofura Kente no firi wɔn koko besi wɔn nkotodwe. Wɔn a wɔsa no de anhwene gu wɔn nsa ne wɔn nan. Mmaa a wɔn ti nhwi yɛ tenten no de ade tuntum hyɛ so ma no yɛ korokorowa na wɔn a wɔn ti nhwi nnyɛ tenten no nso yi Dansinkran na eyi ma wɔn ho yɛ fɛ paa.[4]
Ntwene A Wɔbɔ
[sesa]Ntwene a wɔbɔ de sa Adowa no bi ne Atumpan, Apentemma, Petia ne Donno. Ɛtɔ da wɔde ntama kɔɔgyan dura twene no ho berɛ a wɔreyɛ ayie. Wɔde nsamubɔ nso tumi ka twene no ho sa.[5]
Baabi a minyaa mmoa no firii
[sesa]https://web.archive.org/web/20210729134011/http://www.cwu.edu.cn/SIE/showcase/ourstudents/56160.htm
- ↑ http://music.africamuseum.be/instruments/english/ghana/ashanti/adowa.html
- ↑ "Archive copy". Archived from the original on 2014-10-06. Retrieved 2021-12-24.
{{cite web}}: Unknown parameter|dead-url=ignored (help)CS1 maint: archived copy as title (link) - ↑ Archive copy, archived from the original on 2021-07-29, retrieved 2021-07-29
{{citation}}: CS1 maint: archived copy as title (link) - ↑ Archive copy, archived from the original on 2021-07-29, retrieved 2021-07-29
{{citation}}: CS1 maint: archived copy as title (link) - ↑ Archive copy, archived from the original on 2021-07-29, retrieved 2021-07-29
{{citation}}: CS1 maint: archived copy as title (link)