Rita Tani Iddi
- Wɔakyerɛw nsɛm yi wɔ Akuapem kasa mu
Rita Tani Iddi yɛ Ghana amanyɔni a na ɔyɛ mmrahyɛbadwani wɔ Gushiegu mantam mu firi afe 2005 kɔsi afe 2009.
Rita dii nkonim wɔ Gushiegu atenaeɛ no mu wɔ December 2004 amansan abatoɔ no mu wɔ New Patriotic Party (NPP) tekiti so nanso ɔdii nkoguo wɔ mmɔden a ɛdi hɔ a ɔbɔeɛ sɛ ɔbɛgyina ɔmansin no ananmu wɔ December 2008 amansan abatoɔ no mu . Bere a na ɔwɔ mmrahyɛbagua no mu no, ɔyɛɛ Ɔsomfo abadiakyiri a ɔhwɛ Asase ne Abɔde mu Nneɛma so a ɔhwɛ Tow a Wɔtow So no mmɔho abien.[1][2] Mprempren ɔyɛ Ghana commissioner abadiakyiri wɔ United Kingdom ne Ireland.
Mfitiase asetra ne nhomasua[sesa]
Wɔwoo Tani wɔ Ɔpɛpɔn da a ɛtɔ so 14, afe 1949. Ɔkɔɔ Cape Coast Sukuupɔn mu baabi a onyaa Diploma wɔ Ofie Nyansahu mu, ɛno akyi no ɔtoaa ne nhomasua so wɔ Nhomasua Sukuupɔn mu, Winneba, faako a onyaa ne Bachelor of Education wɔ Ofie Nyansahu mu .[3]
Adwuma[sesa]
Rita Tani Iddi yɛ ɔkyerɛkyerɛfo wɔ adwuma mu, ɔkyerɛɛ ade wɔ sukuu ahorow pii mu wɔ Ghana, eyinom bi ne Yendi Senior High School ne Berekum Training College. Wɔpaw no sɛ Ɔmantam Panyin wɔ Gushegu Mantam a ɛwɔ Ghana Atifi Mantam mu . Ɔsan nso bɛyɛɛ mmrahyɛbagua a Ɛto so Anan a ɛwɔ Ghana Aman a Ɛto so Anan no mmrahyɛbadwani a ogyina Gushegu mantam ananmu na ɔyɛɛ Ɔmanpanyin Abadiakyiri a ɔhwɛ Asase, Kwae ne Atopae so a na ɔhwɛ atopae adwuma so wɔ bere a na ɔyɛ Ghana Ɔmanpanyin dedaw no, John Agyekum Kufuor aban na seesei ɔyɛ Ghana Ɔmanpanyin Abadiakyiri.[4] Tani Iddi nso yɛ Ghana amanyɔni.[5]
Amanyɔsɛm[sesa]
Rita Tani yɛ Ghana amammuifoɔ, a ɔsii akan wɔ afe 2004 Ghana amansan abatoɔ mu sɛ mmrahyɛbadwani maa Gushegu mantam a ɛwɔ Ghana Atifi Fam Mantam mu wɔ New Patriotic Party tekiti so . Ɔdii nkonim wɔ abatoɔ no mu a ne nyinaa yɛ 14,643 a ɛgyina hɔ ma 52.80% sene nea ɔne no reko, Iddrisu Hudu a ɔfiri National Democratic Congress a ɔnyaa abatoɔ 13,108 a wɔtoeɛ nyinaa a ɛgyina hɔ ma 47.20%, na ɛmaa ɔbɛyɛɛ mmrahyɛbaguani ma Fourth Parliament of the Fourth Republic of Ghana .
Ɔsan nso yɛɛ Ɔmanpanyin Abadiakyiri a ɔhwɛ Asase, Kwae ne Atopae so a ɔhwɛ atopae adwuma no so wɔ Kufour nniso no mu.[6]
Ankorankoro asetra[sesa]
Rita Tani yɛ Kristoni wɔ ɔsom mu.
Hwɛ nso[sesa]
- MP a wɔpaw wɔn wɔ afe 2004 Ghana mmrahyɛbagua abatow mu din
- Gushiegu (Ghana mmrahyɛbagua no mantam) .
Nsɛm a wɔde gyinaa so[sesa]
- ↑ CQ Press (10 May 2013). Worldwide Government Directory with Intergovernmental Organizations 2013. CQ Press. p. 646. ISBN 9781452299372.
- ↑ Vieta, K. T. (2005). Know your ministers:2005–2009. Flagbearers Publishers. p. 54.
- ↑ Vieta, Kojo T., 1962– (2005). Know your ministers : 2005–2009. Flagbearers Publishers. OCLC 69793108.
{{cite book}}: CS1 maint: multiple names: authors list (link) - ↑ Press, C. Q. (1 May 2013). Worldwide Government Directory with Intergovernmental Organizations 2013 (in English). CQ Press. ISBN 978-1-4522-9937-2.
- ↑ Know Your Ministers: 2005-2009. Flagbearers Publishers. 2005. p. 58.
- ↑ Press, C. Q. (1 May 2013). Worldwide Government Directory with Intergovernmental Organizations 2013 (in English). CQ Press. ISBN 978-1-4522-9937-2.