Joseph Amenowode
- Wɔakyerɛw nsɛm yi wɔ Akuapem kasa mu
Joseph Zaphenat Amenowode yɛ Ghana amanyɔni ne nhomanimfo . Na ɔyɛ mmrahyɛbaguani wɔ Hohoe South na na ɔyɛ Ɔmanpanyin a ɔhwɛ Volta Mantam so wɔ Ghana firi Ɔbɛnem 2009 kɔsii sɛ wɔyii no fii adwumam wɔ 6 Oforisuo 2012. Wayɛ adwuma sɛ sukuupɔn mu ɔkyerɛkyerɛfo ansa na ɔrekɔ amammuisɛm mu.
Mfitiase asetra wɔ nhomasua mu[sesa]
Amenowode abusua no fi Ve-Deme a ɛwɔ Hohoe Municipal District wɔ Volta Mantam mu. Wɔwoo no wɔ Accra, Ghana ahenkurow mu. Ɔkɔɔ Hohoe Evangelical Presbyterian Secondary School wɔ 1966 ne 1971 ntam hɔ na onyaa General Certificate of Education (GCE) Ordinary Level . Ɔkɔɔ Kpando Ntoaso Sukuu kɔyɛɛ ne sukuu afe a ɛtɔ so nsia, na ɔwiee GCE Advanced Level wɔ afe 1973 mu. Ne sukuupɔn mu adesua a edi kan no wɔ Kwame Nkrumah Suapɔn a ɛhwɛ Nyansahu ne Mfiridwuma so a onyaa Bachelor of Arts Honors abodin krataa wɔ afe 1979 mu.Ɔkɔɔ so afe biako foforo wiee adesua akyi abodin krataa wɔ 1980 mu. Wɔ 1991 mu no, onyaa abodin krataa a ɛkorɔn wɔ sukuupɔn koro no ara mu. Ɔkɔɔ Pratt Institute wɔ New York City baabi a owiee Master of Professional Studies abodin krataa wɔ Art Therapy mu wɔ afe 1997.
Adwuma[sesa]
Amenowode mfiase no na ɔkyerɛ ade wɔ Ghana Nhomasua Dwumadibea . Akyiri yi ɔbɛyɛɛ ɔkyerɛkyerɛfo wɔ Nhomasua Sukuupɔn, Winneba a ɛwɔ Central Region of Ghana.
Na ɔyɛ kan mmrahyɛbagua Boayikuw a Wɔapaw a Ɛhwɛ Adwumayɛ, Asetra mu Yiyedi ne Ɔman Nnwuma so no Titenani.
Amanyɔsɛm[sesa]
Joseph Amenowode yɛ Ɔman Demokrasi mmrahyɛbagua no muni . Odii kan gyinaa abatow mu wɔ Ghana mmrahyɛbagua abatow mu wɔ afe 2004 mu, na odii nkonim de dodow no ara 17,720 (75.6%) na ɔfaa n’akongua wɔ Fourth Republic mmrahyɛbagua a ɛto so anan no mu. Ɔkɔɔ so kuraa n'akongua so wɔ afe 2008 abatow no mu . Wɔ afe 2009 mu no, Ghana Ɔmanpanyin, John Atta Mills, paw no sɛ Volta Mantam Ɔmanpanyin, dibea a ɔdii mu kɔsii sɛ wɔgyaee no wɔ aban mu nsakraeɛ bi a Ɔmanpanyin Mills yɛeɛ wɔ afe 2012 mfitiaseɛ mu.
Hwɛ nso[sesa]
- Mills aban asomfo din a wɔahyehyɛ
- Ɔman Demokrasi mmrahyɛbagua (Ghana) .
- Hohoe Kesee Fam