Zukiswa Wanner

Wɔatwerɛ nsɛm wei ɛwɔ Asante kasa mu

Zukiswa Wanner

nnipa

sex or gender	female
country of citizenship	South Africa
family name	Wanner
date of birth	30 Kitawonsa 1976
place of birth	Lusaka
languages spoken, written or signed	English
occupation	journalist, novelist, children's writer, presenter
educated at	St Dominic's Chishawasha
notable work	book
award received	Goethe Medal
personal pronoun	L484

Zukiswa Wanner (wↄwoo no 1976) yε South Africa nsεntwerεni, nwoma twerεfoↄ ne samufoↄ a wↄwoo no wↄ Zambia na seesei ↄwↄ Kenya. Ꜫfiri afe 2006 mu a ↄtintimii ne nwoma a edi kan no, n’ayεsεm ahodoↄ nyaa abasobↄdeε ahodoↄ te sε, South African Literary Awards (SALA) ne Commonwealth Writers’ Prize. Wↄ afe 2015 mu no, ↄnyaa K Sello Duiker Memorial Literary Award maa London Cape Town Joburg (2014).

Wↄ afe 2014 mu no, na Africa39 nkurↄfoↄ a εyε aduasa nkron sub-saharan African atwerεfoↄ a wↄn mfeε nnuruu aduanan a wↄwↄ tumi ne ↄdomfoↄ na wↄkyerε nneεma a εrekↄ so wↄ Afrika nwoma ahodoↄ no mu no, na ↄka ho.

Wↄ 2020 mu no, Wↄmaa no abasobↄdeε a εyε Goethe Medal a Ian McEwan ne Elvira Espejo Ayca ka ho, na wei maa Wanner bεyεε Afrikan ↄbaa a ↄdi kan a ↄdii nkonim wↄ abasobↄdeε no mu.

N’abrabↄ ne adwuma mu nsεm

Zukiswa Wanner a wↄwoo no afe 1976 wↄ Lusaka, Zambia a ne papa firi South Africa na ne maame nso firi Zimbabwe. Ↄgyee mfitiaseε ne ntoasoↄ sukuu wieε wↄ Zimbabwe no, ↄsuaa adeε nyaa nsεntwerε ho abodin krataa wↄ Hawaii Pacific University a εwↄ Honolulu.

The Madams, yε debut novel a wↄtintimii wↄ afe 2006 na εyε nwoma yεka sε, “εyε fε na εyε aseresεm wↄ abibifoↄ sikasεm mu tumideε nnipadↄm mu wↄ Johannesburg”. Na wↄde  too dwa kaa K Sellor Duiker Award a εwↄ South Africa Literary Awards (SALA) wↄ afe 2007 mu.

Ↄkↄↄ so ara twerε nwoma mmiεnsa: Behind Every Successful Man (2008), Men of the South (2010), a εno nso wↄde kaa 2011 Commonwealth Writers Prize (Africa region) no ho, sa ara nso na Herman Charles Bosman Award, εna 2014’s London Cape Town Joburg, a ↄdii nkunim wↄ K Sello Duiker Memorial Literary Award wↄ afe 2015 mu.

Wↄ afe 2010 mu no, ↄne south Africa mfonyinitwani Alf Kumalo bↄↄ mu yεε adwuma  faa ayεsεm A Prisoner’s Home, abakↄsεm a εfa Mandela fie a edi kan no ho 8115 Vilakazi Street ne L’Esprit du Sport a French mfonyinitwani Amelie Debray ka ho. Wanner ne Rohini Chowdhury ka bↄmu seseei Africa Asian ayεsεm ntiantia a wↄaboaboa  Behind the Shadows (2012) ano.

Wↄdeε watwerε no nyinaa akyiri no, wasane atwerε mmↄfra nwoma mmienu a εyε, Jama Loves Bananas ne Refilwe a εyε anansesεm a yεasane atwerε bio “Rapunzel”. Wↄ afe 2018 no, Black Letter Media timtimii n’ayεsεm a εtↄ so mmiεnsa a εyε Hardly Working, akwantuo ho nkaeε nwoma no.

Na ↄka atwerεfoↄ aduosia sia a wↄtwerεε  εnnε mmerε yi mmuaeε ma twerε kronkron a adwuma no rekↄↄ so wↄ Bush Theatre ne Westminster Abbey wↄ afe 2011 Ahinime bosome no mu.

Ↄka nkurↄfoↄ a wↄtee ReadSA, ↄsatuo a εhyε South Afrikafoↄ nkuran sε wↄkan South Africa nwoma no. Ↄsane nso tenaa Pan -Afrikan nwoma mu nsεm akonnwa Writivism’s board of trustees so kↄsii Ꜫbↄ bosome 2016 mu. Ↄyε obi a ↄde ne ho hyε nsεm a εsisi wↄ amanaman ntam nwoma mu na ↄsane nso yεε adesuakuo maa atwerεfoↄ nkumaa a wↄwↄ Zimbabwe, South Africa, Denmark, Germany ne Western Kenya.  

Wↄ afe 2015 mu no, na ↄka atεmmufoↄ mmiεnsa a wↄhwεε Etisalat Prize for Literature, Pan- African nwoma ho ahyεdeε ma ayεsεm nwoma no, na na ↄsane yε Afrika atεmmufoↄ ma Commonwealth Short Story Prize wↄ afe 2017 mu. Ↄno ara nso na ↄde Artistic Encounters baeε na ↄsane nso hwε so wↄ Nairobi, Kenya hↄ. Afe 2020 mu no, εnam COVID- 19 lockdown no nti, ↄtee Afrolit Sans Frontiers Festival a wↄyεε no Ↄbεnem, 23 mu wↄ Facebook ne Instagram so ne nneεma aka nso di akyire. Saa afahyε yi ada Afrika atwerεfoↄ adi, ebi te sε, Maaza Mengiste, Fred Khumalo, Chris Abani, Yvonne Odhiambo Owuor, Shadreck Chikoti, Abubakar Adam Ibrahim, Mukoma wa Ngugi, Jennifer Nansubuga Makumbi, Mona Eltahawy, Nii Ayikwei Parkes, Sulaiman Addonia, Chike Frankie Edozien ne Lola Shoneyin, ne deε εkeka ho.

Wↄ afe 2018 mu no, Wanner ne ne nyↄnko Nomavuso Vokwana bↄↄ mu tee beaeε a wↄtimtim nwoma wↄ Paivapo, wↄde wↄn adwene sii Afrikan nwoma dwadie ho wↄ Anglophone, Francophone ne Lusophone Afrika mantam mu.

Nsεntwerεni a ↄtwerε nwoma pii ne abasεm tiawa, na ne mmoa atrε kↄ atesεm nkrataa ne nsεm nwoma mu nyinaa te sε The Observer/The Guardian, Sunday Independent, City Press, Mail & Guardian, La Republica, Open Society, The Sunday Times, African Review, New Statesman, True Love, marie Claire, Real, Juice, OpenSpace, Wordsetc, Baobab, Shape, Oprah, Elle, Juice, Guernica, Afropolitan εne Forbes Africa.  N’abasεm tiawa “This is not Au Revoir” a εka 2019 nwoma New Daughters of Africa, Margaret Busby na ↄsaa mu.

Ↄtu kↄtenaa Nairobi a εwↄ Kenya mfeε mmiεnsa akyire, berε a ↄbaa nsrahwε baako bi wↄ afe 2008 mu.

Abasobↄdeε ne Anuonyamhyε

Wↄ Oforisuo, 2014 mu no, na African39 nkurↄfoↄ a εyε aduasa nkron sub-saharan African atwerεfoↄ a wↄn mfeε nnuruu aduanan a wↄwↄ tumi ne ↄdomfoↄ na wↄkyerε nneεma a εrekↄ so wↄ Afrika nwoma ahodoↄ no mu no, na ↄka ho wↄ Hay Festival mu.

Wↄ Kitawonsa, 2014 mu no,wↄyii no “Twenty in 20” sε ↄnyi ayεsεm dwuma aduonu a South Africa agye ato mu sε εyε wↄn nwoma papapaa firi afe 1994 anansesεm a εwↄ South Africa nwoma mu.

Afe 2015 mu no, ↄdii nkonim nyaa K Sello Duiker Memorial Literary Award maa n’ayεsεm nwoma London Cape Town Joburg (2014) wↄ South Africa Literary Awards (SALA) no ase.

Wↄ afe 2020 mu no, Wanner nyaa Goethe medal abↄsobↄdeε, afe biara Goethe-Institute de hyε wↄn a wↄnyε Germanfoↄ na woayε adwuma soronko ama Germani kasa ne amanaman mu ammamerε abusuabↄ no animuonyam.

Wↄ Ↄpεnima, 2020 mu no, Brittle Paper yii no sε “African Literary Personality of the Year”

Nwoma ahodoↄ a yεahyehyε

Nwoma

• ·  Behind Every Successful Man, Kwela Books, 2008. ISBN 978-0795702617

• ·  Men of the South, Kwela Books, 2010. ISBN 978-0795702983

• ·  London Cape Town Joburg, Kwela Books, 2014. ISBN 978-079570630

• ·  Deε εnyε The Madams, Oshun Books, 2006. ISBN 978-1770070585

Ayεsεm

• ·   8115: A Prisoner's Home with Alf Kumalo, Penguin, 2010

• ·   Maid in SA: 30 Ways to Leave Your Madam, Jacana, 2010. ISBN 978-1431408962

• ·   Hardly Working: A Travel Memoir of Sorts, Black Letter Media, 2018. ISBN 9780987019813

Mmↄfra nwoma

• ·   Jama Loves Bananas, Jacana, 2013

• ·    Refilwe (an African retelling of "Rapunzel"), Jacana, 2014. ISBN 978 1431400980

Sε samufoↄ

• ·  With Rohini Chowdhury, Behind The Shadows. Contemporary Stories from Africa and Asia (2012)