University of Oxford

Wɔatwerɛ nsɛm wei ɛwɔ Asante kasa mu

University of Oxford

University of Oxford(pronounciation of "University of Oxford" ) yε sukuupɔn a ɛwɔ Oxford, United Kingdom.

University of Oxford ɛyɛ collegiate research university a ɛwɔ Oxford, England. ɛwɔ nnoɔma a ɛdi adanseɛ sɛ wɔ afe apem ne aduokron nsia (1096) mu nyinaa na adesuafoɔ kɔ suapɔn no mu kɔgye nteteeɛ. ɛno nti ɛma no yɛ suapɔn a anyini na akyɛ yie pa ara wɔ English-speaking world ɛna ɛsane nso yɛ wiase nyinaa suapɔn a ɛtɔ so mmienu a akyɛ yie pa ara a. ɛhyɛɛ ne dwumadie ase de firi afe apem ɔha ne aduosia nson mu (1167) berɛ a Henry II hyɛɛ sɛ ɛngrɛsi adesuafoɔ ntumi nkɔgye nteteeɛ wɔ University of Paris bio no.

Berɛ a ntawantawa bɛtɔɔ Oxford adesuafoɔ ne Oxford kuromanfoɔ no ntam wɔ afe apem ahaanu ne nkron mu no (1209), adesuafoɔ no bi kɔɔ Cambridge ɛhɔ na wɔkɔtee suapɔn a wɔfrɛ no sɛ University of Cambridge. Saa suapɔn akɛseɛ mmienu yi nyinaa a wɔyɛ ancient universities yi wɔ nnoɔma ahodoɔ bi a wɔn nyinaa yɛ a, ɛyɛ pɛpɛɛpɛ na mpɛm pii no yɛtae frɛ wɔn mmienu yi sɛ Oxbridge. Yɛbɔ University of Oxford abaso sɛ ɛyɛ a suapɔn obiara pɛ sɛ ɔkɔgye nteteeɛ wɔ mu no mu baako wɔ wiase nyinaa.

Kɔlegyɛ Ahodoɔ

Tom Quad, Christ Church

Main Quad, Worcester College

Ansa na obi bɛtumi aka sɛ ɔyɛ suapɔn no mu nnipa no, ɛsɛ sɛ adesuafoɔ nyinaa, ne akyerɛkyerɛfoɔ ne suapɔn no adwumayɛfoɔ no de wɔn ho kɔ dɔm kɔlɛgy bi anaa beaeɛ a adesuafoɔ no da no mu baako. suapɔn no wɔ kɔlɛgy ahodoɔ aduasa nkron (a Reuben College ka ho, wahyehyɛ sɛ wobɛhyɛ aseɛ agye adesuafoɔ aba hɔ wɔ afe mpem mmienu ne aduonu baako mu) ɛne permanent private halls (PPHs) ahodoɔ nsia, a wɔn mu biara di ne ho so, wɔn mu biara wɔ ne nhyehyeeɛ ne dwumadie a wɔdi. Kɔlɛgy biara wɔ ne nnoɔma a n'adesuafoɔ no sua, nanso yɛwɔ nnoɔma no mu pii a wɔn nyinaa adesuafoɔ sua bi.

Saa permanent private halls yi yɛ deɛ akristofoɔ nkabɔmkuo ahodoɔ no wɔsisiiɛ. Nsonsonoeɛ baako a ɛda kɔlɛgy ne PPH ntam ne sɛ, kɔlɛgy no deɛ ayɛ mpanimfoɔ wɔwɔ mu no na wɔdi so yɛ ntotoeɛ, hyehyɛ ho mmara na mmom PPH deɛ ɛyɛ wɔn a wɔda hɔ no nko ara na wɔdi so hyehyɛ mmara a ɛyɛ deɛ kristofoɔ nkabɔmkuo a wɔsii dan no nso pene so.

Nnnipa Titiriw a Wafa Suapɔn No Mu

Main articles: List of University of Oxford people and List of Nobel laureates affiliated with the University of Oxford

Mfie beberee ne a suapɔn no baa abakwasɛm mu no, atete nnipa ahodoɔ pii a yɛfrɛ wɔn sɛ Oxonians, a wɔdi wɔn dwuma wɔ mmea ahodoɔ beberee mu a ɛbi te sɛ nwomasua mu ne ade. Nnipa aduosia nkron a wagye abasobɔdeɛ a yɛfrɛ no sɛ (Nobel prize-winners) na wagye nteteeɛ wɔ Oxford suapɔn no mu, a wagye abasobɔdeɛ no wɔ nkyekyɛmu ahodoɔ nsia no nyinaa mu.

Wɔ Amanyɔsɛm Mu

ɛngrɛsi prime ministers ahodoɔ aduonu nwɔtwe na wɔkɔɔ Oxford suapɔn no mu kɔgyee nteteeɛ, a William Gladstone, H. H. Asquith, Clement Attlee, Harold Macmillan, Edward Heath, Harold Wilson, Margaret Thatcher, Tony Blair, David Cameron, Theresa May ne Boris Johnson mo nyinaa ka ho. post-war prime ministers a wɔbae nyinaa, ɛyɛ Gordon Brown nko ara na ɔkɔgye nteteeɛ wɔ suapɔn foforɔ mu a ɛnyɛ Oxford suapɔn (na mmom University of Edinburgh), na mmom Winston Churchill, James Callaghan ne John Major mo mu biara nni hɔ a ɔkɔɔ suapɔn biara.