Sika Bella Kaboré

Sika Bella Kaboré (wɔwoo no Ɔkɔtɔberɛ 20, 1959) yɛ Burkinabé mmaranimfo a wɔwoo no wɔ Togo, akwahosan ho ɔkamfofo, ne kan Burkina Faso Ɔmampanyin, Roch Marc Christian Kaboré yere. Ɔyɛɛ Burkina Faso Awuraa a odi kan fi December 29, 2015 kosi January 24, 2022, bere a asraafo tuu ne kunu, Roch Marc Christian Kaboré, fii n’ahengua so no.

Asetra mu nsɛm

Wɔwoo Kaboré Sika Bella Adjoavi wɔ Lomé, ɛnnɛ Togo, maa Mawupé Valentin Vovor, Togoni oduruyɛfo, ne Emilia Moreira. Wɔtaa frɛ no Bella, na ɛno ne ne mfinimfini din.

Kaboré wiee ne mmara ho abodin krataa a ɛkorɔn wɔ Lomé Sukuupɔn mu . Afei otu kɔɔ France kɔtoaa n’adesua so wɔ Burgundy Sukuupɔn mu. Ohyiaa ne kunu a ɔbɛware no daakye, Roch Marc Christian Kaboré, bere a na wɔn baanu nyinaa yɛ sukuufo wɔ Franse sukuupɔn ahorow mu no. Wɔwaree wɔ afe 1982 mu na wɔwɔ mma baasa. Wɔtu kɔɔ Kaboré kurom Burkina Faso wɔ 1980 mfeɛ no mu, faako a ɔde ne ho kɔbɔɔ Chamber of Commerce and Industry (CCI) a ɛwɔ Ouagadougou sɛ mmara ho adesua sohwɛfoɔ, berɛ a wɔpaw ne kunu sɛ Ɔkwankyerɛfoɔ Panyin wɔ Amanaman Ntam Sikakorabea a ɛwɔ Burkina Faso no.

Wɔ afe 2006 mu no, Kaboré bɛyɛɛ KIMI Foundation a ɛde akwahosan ho nhyehyɛe a wɔde siw yare ano ma Burkinabé mmea ne mmofra no panyin. KIMI Fapem a ɛkyerɛ "nkatanim" wɔ Dyula kasa mu, twe adwene si nyarewa a enni sabea a nufu mu kokoram, awotwaa mu kokoram, ne sickle cell yare ka ho ayaresa so .

Wɔbɔ amanneɛ sɛ Kaboré ne kan Awuraa a odi kan Chantal Compaoré bɛnee bere a ne kunu amammui adwuma nyaa nkɔso wɔ 1990 ne 2000 mfe no mu no F Na wɔn baanu no wɔ asetra mu abakɔsɛm koro. Na mmea baanu no nyinaa waree Burkinabé amammui akannifo na wɔwoo wɔn wɔ amannɔne - Kaboré yɛ Togoni, bere a Compaoré yɛ Ivoryani . Amanyɔfo binom gye dii sɛ wɔn baanu no yɛ nnamfo paa, nanso na ɛte sɛ nea Ɔmampanyin Kaboré amammui kuw no mufo gye saa adwene yi ho akyinnye, na wɔka kyerɛɛ Jeune Afrique, sɛ, “Na wɔn kununom dwumadi nti na wɔbɛn wɔn ho.” Nanso so yebetumi aka sɛ na wɔyɛ nnamfo ankasa? Me ntumi nnye nni."

Eduu afe 2015 no, na ɔyɛ Chamber of Commerce and Industry’s (CCI) adwumayɛkuw no muni. Ɔbɛyɛɛ Burkina Faso Awuraa a odi kan wɔ December 29, 2015, wɔ nkonim a ne kunu dii wɔ November 2015 ɔmampanyin abatow mu akyi .