Francis Osafo-Mensah

Wɔatwerɛ nsɛm wei ɛwɔ Asante kasa mu

Hon. Francis Osafo-Mensah
MP ɛwɔ Mpraeso
Bere 7 January 2005 – 6 January 2009
Ɔmanpanyin	John Kufuor
Ananmusini	Seth Kwame Acheampong
MP ɛwɔ Mpraeso
Bere 7 January 2001 – 6 January 2005
Ɔmanpanyin	John Kufuor
Ne ho asɛm
Ne man	Ghana{[flagicon|GHA}}
Amanyɔkuo	New Patriotic Party
Sukuu a w'akɔ	Durham University
N'adwuma	Medical doctor

Francis Osafo-Mensah yɛ Ghanani amanyɔni a na ɔyɛ mmarahybadwani ma Mpraeso abatoɔ mpasua a ɛwɔ Atɔeɛ mantam mu wɔ Ghana no. Ɔsane somm sɛ ɔsoafoɔ maa saa mantam korɔ no ara na na ɔka mmarahyɛbadwa a ɛtɔ so nan no ho wɔ Ghana Repɔblik a ɛtɔ so nan no mu.

N'abrabɔ ne ne sukuukorɔ

Wɔwoo no afe apem ahankron ne aduasa-nsia too abusua bi a wɔagye din pa ara mu wɔ Atɔeɛ mantam mu. Ɔgyee ne suapɔn abodin a ɛdi kan firii Durham University a ɛwɔ United Kingdom no mu. Adeɛ a ɛdii n'adesua no mu atintimman ne sɛ, ɔsuaa nnuroyɛ ne ayaresa ho adeɛ pa ara.

N'adwumasɛm

Osafo-Mensah adwuma ne sɛ ɔyɛ dɔkotani a ɔpaepae nnipa mu sa wɔn yareɛ. Ɔsane yɛ dɔkotani a wakwadare wɔ nnuroyɛ mu.

N'abrabɔ sɛ amanyɔni

Mensah abrabɔ sɛ amanyɔni no hyɛɛ aseɛ wɔ afe apem ahankron ne aduokron-nsia no mu berɛ a ɔgyinaa New Patriotic Party, ɔsono amanyɔkuo no anan mu sɛ mmarahyɛbadwani wɔ Mpraeso mpasua no mu. Ɔdii nkunim wɔ abatoɔ no mu berɛ a ɔnyaa mma a wɔtoeɛ no nyinaa mu mpem dunan, ahankron ne nsia a ɛgyina hɔ ma ɔha mu nkyɛmu aduanan baako wɔ mma dodoɔ a wɔtoo no afe no mu nyinaa mu. Ɔsane tenaa adwa no so wɔ mfeɛ mpenu abatoɔ no mu berɛ a ɔnyaa mma wɔtoeɛ no mu mpem dumiɛnsa ne aduowɔtwe. Na nnipa ɔne wɔn repere saa adwa no firi amanyɔkuo a ɛdidi soɔ yinom mu; National Democratic Congress (NDC), People's National Convention (PNC), National Reform Party (NRP) ne United Ghana Movement (UGM).

Nnipa a wɔgyinaa mu maa saa amanyɔkuo yinom ne Mike K.S. Akyeampong, Asiamah Godfried Nyarko,Kwabena Adjei ne Aninakwa Samuel Kyeramanteng (Wɔahyehyɛ edin no sɛdeɛ wɔahyehyɛ amanyɔkuo no). NDC nyaa aba a wɔtoeɛ no nyinaa mu mpem du, ahasa ne dunwɔtwe a ɛgyina hɔ ma ɔha mu nkyɛmu aduanan-mmienu akyiripɔ aduokron. PNC nyaa aba no mu ahanu aduosia-num a ɛgyina hɔ ma ɔha mu nkyɛmu baako akyiripɔ du, NRP nyaa ɛmu ahanu aduosia-baako a ɛgyina hɔ ma ɔha mu nkyɛmu baako akyiripɔ du, ɛnna UGM nso nyaa aba no mu ɔha ne dumiɛnsa a ɛgyina hɔ ma ɔha mu nkyɛmu hwee akyiripɔ aduonum. Mensa sane dii akonnwa no ne mprɛnsa so wɔ mfeɛ mpenu ne nan ɔman abatoɔ no mu berɛ ɔgyinaa New Patriotic party, Ɔsono Amanyɔkuo no anan mu nyaa mmaa dodoɔ a wɔtoe no mu ɔha mu nkyɛmu aduosia-nson akyiripɔ nan. N'adwuma sɛ mmarahyɛbadwani no baa awieeɛ wɔ mfeɛ mpenu ne nkron no mu.

N'abrabɔ

Francis Osafo-Mensah yɛ Kristoni.

Wobɛtumi nso asane ahwɛ

1. New Patriotic Party mmarahyɛbadwafoɔ.
2. Mpraeso abatoɔ mpasua no mmarahyɛbadwafoɔ