Comfort Yeboah

Comfort Yeboah (wɔwoo no 17 ɔpɛnimaa 2006) yɛ Ghanani baa bɔɔlbɔfoɔ. Wɔ Ghana no, ɔbɔ ma Ampem Darkoa bɔɔlbɔ kuo sɛ full-back anaa defender. Ɔbɔɔ bɔɔlo maa Ampem Darkoa Ladies wɔ CAF Women's Champions League ne Black Princesses nso wɔ WAFU B Girls Cup a wɔyɛɛ no Kumasi berɛ a edi kan no mu. Wɔ afe mpem mmienu ne mmiensa (2003) mu no, wɔbɔɔ Comfort din yie sɛ afe no mu kuo a wɔdii nkonim wɔ afe mpem mmienu ne aduonu mmiensa (2023) CAF Mmaa Champions League a wɔyɛɛ no Cote D'Ivoire no fa.

Abasobɔdeɛ ahodoɔ

Wɔ afe mpem mmienu ne aduonu mmiensa (2023) mu no, Comfort Yeboah a ɔbɔ ma Black Queens (National team) ne Ampem Darkoa (Club side) sɛ full-back, tumi yɛɛ list a ɛfa nnipa 3 a wɔtwa toɔ a wɔrehwehwɛ CAF mmaa bɔɔlobɔfoɔ a wɔsusua yie no (Young Player of the Year) abasobɔdeɛ no ho.

Saa din a wɔde too dwa yi bae esiane ne mmɔdenmmɔ a ɔbɔɔ no wɔ CAF Women’s Champions League agodie a ɛyɛ nwonwa a ɔne Ampem Darkoa dii no nti. ɔtumi nyaa nsɛntitire bi maa Ampem Darkoa; no maa bɔɔlbɔ kuo denam botae ahodoɔ bi a ɛho hia a ɔbɔe a ɛboaa maa wɔpiaa ne kuo no kɔɔ akansie no fa a etwa toɔ no mu, wɔ fa a etwa toɔ no fa no, ɔtumi too ntena mmienu maa ne bɔɔlobɔkuo no.

Kasa ahodoɔ a wɔka

Ghana bɔɔlbɔfoɔ yi; Comfort Yeboah ka Borɔfo kasa a mfomsoɔ biara nni ho na ɔka ne kurom kasa nso. Ɔyɛ Akanni a ɔka ne kurom kasa a ɛyɛ Akan Kasa no nkorabata a yɛfrɛ no sɛ Asante Twi. Wɔ ne amanaman ntam nkitahodie a ɔne CAF TV diiɛ no no mu baako mu wɔ berɛ a ɔdaa nsoromma mu mmɔdenmmɔ soronko wɔ agokansie a ɔdaa no adi wɔ wɔn CAF Women’s Champions League ɔsatuo a wɔne Ampem Darkoa Ladies diiɛ a ɛmaa ɔnyaa abodin sɛ Woman of the Match, a ɛde nsɛm a wɔaka ho asɛm a wɔbisabisaa CAF TV no baeɛ no, wɔhunuu no a ɔde ahotosoɔ ka Akan kasa nkorabata Twi wɔ nsɛm a wobisabisaa amanaman ntam nsɛm ho amanneɛbɔfoɔ wɔ agorɔdie no akyi.