Stephen Allen Dzirasa
- Kyerɛ Twi kasa a atwerɛsɛm yi ɛwɔ mu. Kasa ahorow a wobɛtumi akyerɛ ɛne: Akuapem, Asante, Fante.
Stephen Allen Dzirasa kane Ghana nhomsua mu okunini, ɔsɔfo ne amanyoni. Na ɔyɛ ɔkyerɛkyerɛfo ansa na ɔbɛyɛɛ Methodist ɔsofo. Na ɔyɛ ɔman suafo wo Kwasafoman a edikan no mu. ɔsoom sɛ Ghana soafoa a ɔwɔ Gunea na afei nso, na ɔyɛ soafo a ɔhwɛ amanɔne nsɛm so abediakyire. Na ɔyɛ mmarahyɛ baguani a na ogyina hɔ ma Upper Tongu abatoɔ mpɛsoa so.
Ne mmɔfra ase ne Nhomasua[sesa]
Wɔ woo Dzirasa wɔ July da ɛtɔ so 23, afe 1918 wɔ Tongu mpɛsoa so a ɛwɔ Frao Mantam no mu , na n’awofo din de Doefe ne Andrews Torgbemu Dzirasa. Ne mmɔfrase pɛɛ na n’awofoɔ ntam tetee ma no dii ne maame akyi kɔtenaa ne nana barima a ne de Awittor hɔ wɔ kuro a ɛne Kpong. Ne papa nyaa akwanya kɔfaa no baa ne nkyɛn bre a na w’adi mfie nwotwe, ɛhɔ na ɔhyɛɛ ne nhomasua ase. Wɔ afe 1926 mu no, ɔkɔɔ Aveyime Salem; Metodisefo sukuu a na ɛwɔ akuara no ase saa bre no. ɔtoa n’adesua no so kɔɔ sukuu a ne din de Presbyterian Boarding School a na ɛwɔ Ada Foa, osan nso kɔɔ sukuu a ene Trinity College a ɛwɔ Kumasi..
Nnwuma ne amanyɔsɛm[sesa]
Dzirasa yɛ adwuma sɛ nmmoakuo so hwɛfo wɔ ne papa afu mu bre a na ɔyɛ abrantewaa no, na ɔde ne papa anantwie kɔ adidie bre nyinaa. ɔsan nso suaa apopodwuma, kuayɔ ne ade tɔn firii ne papa ne ne wɔfa ho. Owie sukuu no, Dzirasa nyaa adwuma wɔ adwumkuo a ne din de U.T.C sɛ sotoo so hwɛfo abediakyire. ɔyɛɛ adwuma sɛ ɔkyerɛkyerɛni mmere kakra bi akyi no, wɔpaw no sɛ Metodisfo sɔfo. Wɔ afe 1951 mu. Wɔpaw no sɛ asɔfo nhyiamu so ɔkyerɛwfo a ɔtɔ so mienu firi afe 1952 kosi 1954
Na ɔyɛ otitenani ma Lower Tongu mansin no mmarahyɛkuo na wɔ afe 1953 mu no, wɔpaw no Van Lare Commission kuo no mu ni. Wɔ too aba yi no sɛ upper Tongu no mansin no mmarahyɛ kuo mu ni wɔ afe 1954. Wɔ July afe 1960 mu no, wɔpaw no sɛ Guinea so soafo na wɔ December 1960mu no, wɔ yɛɛ no Soafo a ɔhwɛ amanɔne nsɛm so no abediakyire (soafo kyerewfo). ɔsoom sɛ soafo kosii sɛ wotuu Nkrumah wo February, afe 1966.
N'asetena mu nsɛm[sesa]
Na Dzirasa ne ɔba a ɔtwa toɔ wɔ ne maame mma nnan ntam, na na ɔyɛ ɔbakofo a ne maame woo no maa ne papa