Palm nut

Wɔatwerɛ nsɛm wei ɛwɔ Asante kasa mu

Abɛdua ka Arecaceae abusuakuo ho, a ɛno nko ne abusuakuo a ɛwɔ Arecales ne perennial lianas ho.Abɛdua no yɛ dua a ɛgyina hɔ baako a ɛwɔ mman beberee na ayɛ sɛ papa na ahyehyɛ atwa ne ho ahyia. Abɛdua no bi wɔ hɔ a, ɛnyini tententen,ɛbi wɔ hɔ nso a ɛnwa pii.

Yɛwɔ abɛdua ahodoɔ bɛboro mpem mmienu ne ahanson aduonum wɔ wiase afanaa nyinaa.Na mpɛn pii no ɛnyini wɔ beaeɛ a ɛhɔ yɛ nwunu kakra bɛyɛ sɛ 30N ne 30S ntam a nsuo nso tɔ wɔ hɔ afe biara.Wɔnyini wɔ akwan ahodoɔ so(wɔnyini kusuu).Wɔtumi nso nyini wɔ mmepɔ a ɛboro 1000mita so.

Sɛdeɛ Ɛnyini

Adɛdua tumi nyini bɛyɛ mita aduasa(30m), Ɛwom,beberee wɔ hɔ a ɛnyini bɛyɛ mita du de kɔsi dunnum. Sɛ afei na ɛrenyini a ne mman no ahosuo yɛ ahabanmono nanso sɛ ɛnyini a n’ahaban no bɛyɛ hoyaa.Sɛ afei na ɛrefefɛ a,n’ahaban no nyini teaa wɔ mfinfini(ɛno na wɔfrɛ no mmerɛnkɛnso) nanso sɛ ɛrenyini a, na n’ahaban no retrɛ.Ne nhwiren no yɛ nketewa, na ɛyɛ fitaa a ahyehyɛ wɔ n’abena no so a wɔfrɛ no spadix a ne nhwiren a ɛyɛ ɔbaa ne barima no nyinaa wɔ so bi.N’aduaba no yɛ ketewa bi saa te sɛ kube,nanso aduaba no bi wɔ hɔ a ɛtumi so mmɔho mmɔho.

Ne Dwumadie

Abɛdua di dwuma pii.Ɛbi ne:

• Wɔto abɛdua no de yi nsa te sɛ nsafufuo ne apeteshie.
• Wɔde yɛ abɛnkwan.
• Wɔde yi ngo.
• Wɔde n’aduaba no yɛ adwongo.
• Wɔde ne nhwiren no yɛ prayɛ.