Kojo Antwi

Wɔatwerɛ nsɛm wei ɛwɔ Asante kasa mu

Kojo Antwi, a yɛsane nso frɛ no “Mr. Music man” yɛ Ghana “Afro pop”, “highlife”, “reggae” dwomtoni a ɔsan nso yɛ kane “Ghana Music Rights Organization” (GHAMRO) titenani. Wɔwoo  Julius Kojo Antwi too anuanom du mmiɛnsa mu.

N'abrabɔ Ahyɛaseɛ Ne Nnwomasua

Ɔyinii  wɔ Nkran brɔno a wɔfrɛ no Darkoman. Ɔwɔ nnwom ahodoɔ aduonu mmienu(22). Kojo Antwi nnwom mu baako a ɛbɛgyee din wɔ Ghana ha yɛ “Tom and Jerry”.

Kojo Antwi wiee sukuu no ɔde ne ho kɔbɔɔ  adwomtofoɔ kuo bi a wɔfrɛ wɔn “Boomtalents”.

N'adwumayɛ

Akyire no ɔbɛyɛɛ “Classique Vibes” a kane no na wɔfrɛ no “Classique Handles” no mu kandifoɔ. Ɛwiee akyire no, Kojo Antwi tee ne ho. Ne dwom a ɔdii kan toeɛ  ne “All I need is you” a ɔyii no adi wɔ afe 1986 mu no bɛyɛɛ dwom a ɛbɛgyee din yie pa ara wɔ Ghana. Ne dwomtoɔ mu no, ɔde Ghanafoɔ highlife, Congolese Soukous, Caribbean lovers rock, African lovers soul ne R&B na ɛdi afra.  Ɔno ne Ghana dwomtoni a ɔdii kan paw no sɛ ɔmmɛgye amanɔne adwomtofoɔ abasobɔdeɛ  a wɔfrɛ no BET Awards.

Ɔto dwom pii wɔ Ghana kasa titire Twi mu. Wɔ afe mpenu ne du nwɔtwe bosome a ɛtɔ so nsia mu no, ɔkɔɔ aporɔbɔ wɔ “America”.

Ɔyɛ dwomtoni a ɔtae kasa fa akwantuo, owuo ne abrabɔ ho nanso ne nnwom bebree no ara kasa fa “ɔdɔ” ho. Ɔwɔ ɔkwan a ɔfa so de kasakoa ne mfonini a ɛmu da hɔ di dwuma de da atenka a tumi wɔ mu adi. Sɛ ɛbia ɔreto ɔdɔ ne baakoyɛ  ho dwom a, ne nsɛm no mu wɔ tumi a ɛka n'atiefoɔ akoma.

Ɔdɔ ho nnwom a wato no bi ne; Afrafrantɔ, Mmirika, Menya ntaban, Mfa me nkɔ hɔ, Hini me, Dadie anoma ne deɛ ɛkeka ho.

N'abasobɔdeɛ a wagye no bi ne, West Africa Tourism Award, All Africa Music Awards, Kora Award ne Our Music Award.