Kobi Hemaa Osisiadan

Wɔakyerɛw nsɛm yi wɔ Akuapem kasa mu

Kobi Hemaa Osisiadan-Bekoe (wɔwoo no 30 Ɔbɛnem 1983) yɛ Ghanani ɔbaa a ɔyɛ adwuma, TV so ɔyɛkyerɛfo ne nkitahodi ho ɔbenfo. Ɔde bɛboro mfe du ayɛ adwuma wɔ nsɛm ho amanneɛbɔ adwuma mu. Mprempren ɔyɛ nnwumakuw nkitahodi so panyin wɔ Ghana Post Company Limited na ɔhyehyɛɛ Angeles Foundation adwumakuw bi a ɛtwe adwene si mmarimaa ne mmofra ahoɔden ne adwumayɛ ho nimdeɛ so.

Nwomasua

Ɔwɔ abodin krataa wɔ Akontaabu ne Amanneɛbɔ Nhyehyɛe mu wɔ Regent Sukuupɔn Nyansahu ne Mfiridwuma Sukuupɔn a ɛwɔ Accra . Ɔkɔɔ so yɛɛ Master of Business Administration wɔ Corporate Strategy ne Economic Policy mu wɔ Maastricht School of Management wɔ Netherlands firi afe 2011 kɔsi afe 2013.

Adwuma

N'anammɔn a edi kan wɔ nsɛm ho amanneɛbɔ adwuma mu ne TV Africa baabi a ɔyɛɛ "Ghana's Pride" wɔ afe 2007 mu. Dwumadi no hwehwɛɛ sɛ wɔbɛkyerɛ Ghanafo amammerɛ a ɛyɛ fɛ no bere a wɔde Ghanafo nneɛma ahorow a ɛwɔ gua so no kyerɛ no.

Afe 2009 mu no, ɔde saa dwumadi koro no ara kɔɔ Ghana Broadcasting Corporation . Ɔyɛɛ nhyehyɛe foforo a wɔtoo din "Ohemaa Dwaso".

Ɔde n'ani kyerɛɛ Multi TV wɔ afe 2014 mu de dwumadi bi a wɔfrɛ no "Exclusive to Cancer". Wɔ afe 2015 mu no, ɔbɛyɛɛ dwumadi no sohwɛfoɔ wɔ Light TV na akyiri yi ɔbɛyɛɛ Homebase TV a ɔyɛɛ anɔpa dwumadiɛ sohwɛfoɔ ne TV dwumadibea no panyin mmɔho mmienu.

Ɔyɛ TV sohwɛfoɔ wɔ Homebase television so kɔsii Oforisuo 2018.

Ɔne Homebase TV anɔpa dwumadi a wɔfrɛ no Eboboba no yɛɛ adwuma kosii sɛ ɔde dwumadi bi a wɔfrɛ no ‘Beyond the Ballot’ a ɛyɛ asetra mu amammuisɛm ho dwumadi a ɛkɔ so wɔ TV so Dwoda biara anadwo nnɔnwɔtwe kosi anadwo nnɔn du bae.

Kobi Hemaa Osisiadan yɛ obi a nnipa pii nim no sɛ ɛnne a ɛhyɛ Made-in-Ghana nneɛma ho nkuran na ɔsan nso di ɔmanfoɔ nsɛm pii ho dwuma.

Ɔdii ne mfeɛ du wɔ Ayɛwohomumɔ 2017 mu na sɛ afahyɛ no fa no, ɔhyɛɛ fapem bi a wɔfrɛ no Angeles Foundation a ɛtwe adwene si mmarimaa ne mmofra ahoɔden, kokoram ho nkyerɛkyerɛ ne adwumayɛ ho nimdeɛ a wɔbɛma anya nkɔsoɔ so.

Mprempren ɔyɛ nnwumakuw nkitahodi so panyin wɔ Ghana Post Company Limited .

Ankorankoro asetra

Wɔwoo Kobi Hemaa Osisiadan maa Sylvia Ofori ne Prince Anane-Acheampong Osisiadan, na ɔyɛ abofra a ɔto so anan wɔ n’awofo mma baanum mu. Ɔwaree ne mma baasa ma Owura Emmanuel Bekoe a ɔyɛ nsɛm ho amanneɛbɔfo wɔ Peace FM .