Joseph Quansah Naayi Kojo-Krobo

Joseph Quansah Naayi Kojo-krobo yɛ Ghanani a ɔyɛ mfidie ho adwuma.

Sukuu

Quansah kɔɔ sukuu wɔ 'All Nation's University College'. All Nation University College yɛ ankrankorɛ suapɔn a ɛwɔ Ghana Apueɛ Mantam mu, mere kyerɛ Koforidua. Ɛhɔ na Ɔpanin Joseph Kwansa Kɔsuaa mfididwuma mu nimdeɛ (engineering), ɛnam so maa no bɛyɛɛ mfididwuma mu okunini.

Adwuma

Quansah ne ne nnamfofoɔ mmiensu; Benjamin Bonsu, ne Ernest Teye Matey kaa wɔn tiri bam ho sɛ wɔbɛyɛ afidie nwanwasoɔ bi a wɔfrɛ no 'Satellite'. Ɔhyɛɛ aseɛ aseɛ mfeɛ mpem mmienu ne du-num (2015) mu na ɔwiee wɔ mfeɛ mpem mmienu ne du-nson mu. Ɛyɛ 'All Nations University College' ne Japanfoɔ suapɔn baako a wɔfrɛ no 'Kyushu Institute of Technology' na wɔka bɔɔ mu yɛɛeɛ.

Mfasoɔ

Afidie no y3 adeɛ a ɛho hia yie pa ara, ɛfiri sɛ ɛho mfasoɔ a ɔman no bɛnya no dɔɔso yie. Ebi ne sɛ, ɛbɛboa ama yɛahunu ewiem nsakyeraeɛ ne ɔkwan a yɛbɛfa so asi ano. Ɛnam sɛ ɛtumi tu kɔ wiem nti no ɛbɛboa ama yɛahunu nnoɔma bɔne a ɛkɔ so wɔ ɔman yi ahyeɛ so na ama mpanimfoɔ ahunu ɔkwan a wɔbɛfa so amia bambɔ mu wɔ ɔman no ahyeɛ so. Ɛsan boa ma kasamfonini, kasanoma ne nnoɔma bebree nya mframapa de di wɔn dwuma ahodoɔ pii.

Satellite

Nhwehwɛmu kyerɛ sɛ afidie yi ho ka som Amerika sika no ($50,000). Afidie yi kɛseɛ ne ɛmu (4) duro nso yɛ (1000 grams). Ɛwom sɛ suapɔn baako a ɛwɔ Japan man mu ka ho deɛ, nanso ɔman Ghana ha yi ara na wɔyɛɛ no na wɔsane sɔ hwɛɛ wɔ “All Nation’s University College” a ɛwɔ Koforidua (Apueɛ Mantam mu). Wei ne adwumaden a Owura  Joseph Quansah Kojo-Krobo de ne ho hyɛɛ mu a enti ama no agge din wɔ Ghana ha ne wiase nyinaa na ama no ayɛ nipa sononko sɛ ɔno ne bibini a ɔdi kan wɔ ɔman mu a watumi ayɛ afidie nwanwasoɔ sei.