John Arthur (Ghanani amanyɔni)

Wɔakyerɛw nsɛm yi wɔ Akuapem kasa mu

John Arthur yɛ kane Ghanani amanyɔni. ɔsoom sɛ ɔman soafo ne mmarahyɛ badwanie wɔ Ghana adehyeman a edikan no mu. Na ɔyɛ Atɔe mantam mu soafo ne mmarahyɛ badwani a ogyina hɔ ma Sekondi mpɛsoa so.

Ne mmofrase ne nhomasua

Wɔ woo Arthur wɔ February da ɛtɔ so 4, afe 1915 wɔ Anomabo ɛwɔ Mfinfin Mantam mu wɔ Ghana (kane Gold Coast). ɔkɔɔ sukuu wo anomabo Wesleyan School ma no nyaa standard 7 abɔdin krataa.

Amanytɔsɛtm ne nnwuma

Arthur hyɛɛ adwuma ase sɛ nkrataa so hwɛfo wɔ adwumakuo bi a ne din de Union Trading Company wo afe 1934. ɔyɛɛ adwuma wo ho mfie kakara na ofirii ho ko adwumakuo foforo a ne din Central Wasaw Gold Mines. Oyɛɛ adwuma wo ho sɛ nkrataa sohwɛfo wɔ ho nso. Wo afe 1937 mu no, ofirii ho koo adwumakuo foforo a ne din de Gold Coast Machinery and Trading Company a ɛwɔ Sekondi. ɔyɛɛ adwuma ho kosii afe 1944 na woyii no de no kɔɔ adwumakuo foforo a ne din de United Sfrica Company Limited. Wɔ afe 1950 mu no, ɔde ne ho hyɛɛ atuatew a ɛkɔɔ so no mu denden, eyi maa woyi no ade wo afe 1950 mu.

ɔde ne ho kɔyhɛɛ ankorɛankorɛ dwumadie mu na ɔkɔgyee abopaebea ne nnuapae nnwuma firii ɔhene a ɔwɔ Essipong. Wɔ paw Arthur sɛ mmarahyɛ badwani wɔJune da ɛtɔ so 15 afe 1954 mu. Bre a onyaa akwanya kɔɔ mmarahyɛ badwa mu no, ɔde ne nnwuma no maa ne wɔfaasenom; nnuapae adwumabea no kodii ne wɔfaase a ne din W.B Haford a w’anya ne baabi kɔ na, abopaebea no nso kodii ne wɔfaase a ne din de owura Isaac Hayford. ɔsɔɔm sɛ mmarahyɛ badwani a ɔgyina hɔ ma Sekondi abatoɔ mpɛsoa so kosii june afe 1956 bre a saa mmarahyɛ baguakuo no baa awie.

Wɔ san nso too aba yi no maa no kɔɔ mmarahyɛ badwa mu wɔ afe 1956 abatoɔ no mu. ɔkɔɔ so yɛ mmarahyɛ badwani a ogyina hɔ ma Sekondi mpɛsoa so kosii February afe 1966 bre a wotuu Nkruma aban no gui. Wɔ afe 1956 mu no, wɔpaw no sɛ ɔkyerɛwfo (Soafo abediakyire) na ɛmaa no yɛɛ nnwuma wɔ asoe ahorɔw pii kosii 1960 na wɔpaw no sɛ Soafo a ɔhwɛ Atɔe Mantam. ɔsɔɔm wɔ saa dibea yi firi 1960 kosii afe 1965, bre a woyii no kɔɔ adwumakuo a ɛne Coco Products Cotporation sɛ adwumakuo no so kandifoo.

N'asetena mu nsɛm

Arthur waree Owurayere Ekua Mensimah wɔ afe 1936. ɔne no wo mmofra miensa. Arthur waree ɔbaa a ɔtɔ so mienu; Grace Moses maa ɔne no nso wo mofra miɛnsa