Ebony reigns

Ebony Reigns
Ne ho asɛm
Awo din	Priscilla Opoku-Kwarteng
Awo bere	(1997-02-16)16 February 1997 Kumasi, Ghana
Died	8 February 2018(2018-02-08) (aged 20)
Genres	Dancehall, hiplife
Occupation(s)	Singer
Instruments	Vocals
Years active	2015–2018
Labels	Ruff Town Records
Associated acts	Brella, Ruff n Smooth

Priscilla Opoku-Kwarteng (wɔwoo no Ogyefo bosome no da a ɛtɔ so dunsia (16) wɔ afe apem ahankron aduokron nson mu (1997) – ɔwuu wɔ Ɔpɛpɔn bosome no da a ɛtɔ so nwɔtwe wɔ afe mpem mmienu ne dunwɔtwe mu (2018)), a ne din wɔ nnwomtoɔ mu a nnipa dodoɔ no ara nim no ne Ebony Reigns, ɔyɛ Ghanani nnwontoni (dancehall/afrobeats) a wɔnim no sɛ ɔyɛ nnwom a ɛyɛ dɛ a ebi ne "Poison" ne "Kupe." Abranteɛ bi a wɔfrɛ no Bullet a ɔwɔ Ruff N Smooth na ɛhunuu Ebony. Ɔno ne Ghana nnwontofoɔ baa a ɔdi kan a ɔnyaa abasobɔdeɛ wɔ Ghana nnwontoɔ a wɔfrɛ no "Vodafone Ghana Music Awards"

Abrabɔ Ahyɛaseɛ ne nnwomasua

Ebony Reigns nyaa abɔdin sɛ 'Original 90s Bad gyal', na n’abusuafoɔ a wɔbɛn no, wɔ Dansoman, Nkran kurotia, no frɛ no Nana Heemaa (Ɔhemaa). N’awofoɔ ne Nana Poku Kwarteng ne Beatrice Oppong Marthin. Wɔtetee no wɔ Nkran nkuropɔn mu nanso ɔfiri Bono Ahafo mantam mu. Ɔhyɛɛ ne mmɔfrase nwomasua ase wɔ "Seven Great Princess Academy" wɔ Dansoman, Nkran, na ɛno akyi no, ɔkɔɔ ntoasoɔ sukuu wɔ Methodist Girls High School wɔ Mamfe wɔ Akuapim Atifi mansini a ɛwɔ Apueɛ mantam, Ghana, ɛwɔm sɛ wanwie sukuu deɛ, Ɔgyaee ntoasoɔ sukuu de kɔyɛɛ ne nnwom adwuma no.

Nnwuma

Ebony no, nnwontoni ne odwumayɛni bullet a ɔfiri Ruff N Smooth na ɔhunuu no na ɔde ne nsa hyɛɛ ne Rufftown Records label ase. Ɔfirii adi a na ne nnwom a ɛdi kan ne,  "Dancefloor", wɔ ɔpɛnimaa bosome mu wɔ afe mpem mmienu ne du nnum mu "December 2015", a ɔde ne sini hwɛ ne ne tie no baa abɔnten. Nnwom no bɛyɛɛ kasafidie so nnwom a ɛyɛ dɛ, a ɛma wɔyii no sɛ "unsung" category no wɔ "2016 Ghana Music Awards".

Wɔ Oforisuo bosome no mu wɔ afe mpem mmienu ne du nsia mu no (March 2016),  Ebony yii ne nnwom kɛseɛ a ɛyɛ dɛ "Kupe" adi. Ɔde ne nsa hyɛɛ Ruff Town Records ne Midas Touch Inc. ase. Ebony nnwom a agye din te sɛ "Poison", "Sponsor", ne "Hustle", nso gyee din a wɔbɔ no kɛse a na ahyeta wɔ Ghana. Ne nnwom a ɛyɛ dɛ sene ne nnwom no mu baako ne "Maame HWƐ," a ɛtwee adwene sii efie basabasayɛ ho asɛm no so, a dwom no mu mfonin no hyɛɛ efie basabasa yɛ no mu kena maa ɛyɛɛ kɛse bio.

Ne wuo

Ebony Reigns wuu ntɛm wɔ lɔre akwanhyia mu  wɔ ɔpɛpɔn bosome da a ɛtɔ so nnwɔtwe wɔ mfeɛ mpem mmienu ne du nnwɔtwe mu(8 January, 2018) berɛ a ɔresan afiri Sunyani akɔ Nkran wɔ ne maame nsrahwɛ akyi. Ne jeep no ne lɔre bi hyiaeɛ wɔ Sunyani-Kumasi kwantenpɔn Kɛse no so .