Benjamin Aryeetey

Ná Benjamin Teiko Aryeetey yɛ Ghana nwomanimfo ne ɔtemmufoɔ. Ɔyɛ Ghana Asɛnnibea Kunini no temmufo a wakɔ pɛnhyen. Ɔde mfeɛ aduanan (40) yɛɛ adwuma wɔ Ghana Atemmuo benkyi so. Na ɔyɛ ɔkyerɛkyerɛfo nso wɔ Ghana Mmara Sukuu mu.

Abrabɔ Ahyɛaseɛ Ne Nwomasua

Wɔwoo Aryeetey wɔ Ayɛwohomumɔ da a ɛtɔ so dunan wɔ afe apem ne ahankron aduanan baako (14 June 1941). Ɔsuaa adeɛ maa ne division Certificate a ɛdi kan wɔ West African School Certificate Examination mu wɔ Mfantsipim Sukuu mu firi afe apem ne ahankron aduonum nsia (1956) kɔsi afe apem ne ahankron aduosia (1960). Ɔkɔɔ Winneba Nteteeɛ Kɔlege wɔ afe 1960 mu baabi a ɔnyaa Ɔkyerɛkyerɛfoɔ Abodin krataa 'A' wɔ afe afe apem ne ahankron aduosia mmienu mu (1962). Wɔ afe apem ne ahankron aduosia mmiensa (1963) mu no ɔkɔɔ Achimota Sukuu mu nyaa ne general Certificate of Education Advance Level (GCE A-Level) wɔ afe apem ne ahankron aduosia num mu (1965). Ɔnyaa ne Bachelor of Laws (LLB) abodin krataa wɔ afe apem ne ahankron aduosia nwɔtwe mu (1968) mu wɔ Ghana Suapɔn mu na ɔnyaa ne mmara mu abodin krataa a ɛdi akyire wɔ sukuupɔn korɔ no ara mu.

Adwuma

Aryeetey fii n’adwuma ase wɔ benkyi so sɛ Ɔmantam Ɔtemmufo grade II wɔ Oforisuo bosome no mu wɔ afe apem ne ahankron aduoson baako mu (April 1971). Wɔpaw no sɛ Asɛnnibea Kunini no Temmufo wɔ afe apem ne ahankron aduɔwɔtwe nkron mu (1989) na afe akyi no ɔne Ghana Asraafo yɛɛ Ɔtemmufoɔ Mmaranimfo. Akyiri yi wɔmaa no dibea sɛ Asɛnnibea a Ɛhwɛ Asɛm a Wɔde Kɔdan Asɛnnibea no Temmufoɔ wɔ Ayɛwohomumɔ bosome no mu wɔ afe apem ne ahankron aduɔkron nkron ( June 1999) na ɔyɛɛ saa dibea no kosii afe mpem mmienu ne nkron (2009) a wɔpaw no sɛ Ghana Asɛnnibea Kunini no Temmufo. Berɛ a na ɔwɔ benkyi no so no, ɔde ne ho hyɛɛ nhyiam ne adwumayɛbea ahoroɔ bi mu, a emu bi ne; Afrika Dwumadi a Ɛhwɛ Amerika Mmara Asoɛe ne Mmara Ho Nsɛm So wɔ United States, Operation Cross Roads ne Commonwealth Atemmufoɔ, ne Atemmufoɔ Fekuw Nhyiam a ɛwɔ The Gambia.

Ɔtemmufoɔ Aryeetey nso yɛɛ adwuma wɔ badwam ne fekuw ahoroɔ mu na ɔyɛɛ dwamtrani. Na ɔyɛ Atemmufoɔ ne Atemmufoɔ Fekuo no muni na ɔsan nso yɛɛ Maranatha Suapɔn Kɔlege Boayikuo no Titenani.

Sɛ yɛde benkyi so som to nkyɛn a, Aryeetey yɛɛ adwuma wɔ afuw mu adesua mu. Na ɔyɛ ɔkyerɛkyerɛfoɔ ma Career Magistrates Program a ɔkyerɛ Atemmuo Abrabɔ Pa ne sɔhwɛfoɔ ma afe a ɛtwa toɔ Practical Advocacy adesua wɔ Ghana School of Law.

Yi obi

Ghana ɔmampanyin a na ɔwɔ hɔ saa berɛ no, John Evans Atta Mills na ɔpaw Aryeetey wɔ afe mpem mmienu ne nkron mu. Akyiri yi wɔhwehwɛɛ ne mu Memeneda, Ahinime da a ɛtɔ so Dummienu wɔ afe mpem mmienu ne nkron mu (12th October, 2009) na mmarahyɛ badwam no penee so wɔ Kotonimma da a ɛtɔ so aduasa baako wɔ afe 2009. Ɔmampanyin a na ɔwɔ hɔ saa berɛ no kaa no ntam wɔ Obubuo da a ɛtɔ so mmienu wɔ afe mpem mmienu ne nkron mu (2nd November 2009).