Balkan Ko a Edi Kan

Balkan Ko a Edi Kan (October 8, 1912 – March 30, 1913) yɛ ɔko a ɛkɔɔ so wɔ Balkan Apam (a Serbia, Greece, Montenegro ne Bulgaria ka ho) ne Ottoman Ahemman no ntam. Na Balkan aman nkabom no korɔn sen Ottoman asraafo a na wɔn dodow ne ɔkwan a wɔfa so yɛ adwuma no sua, enti wodii nkonim ntɛmntɛm.

Balkan Apam no nkonimdi no kyerɛe sɛ mfeha anum baa awiei Ottoman nniso a ɛwɔ Balkan supɔw no so. Ottomanfo hweree wɔn nsasesin nyinaa wɔ Europa, gye asase ketewaa bi a ɛwɔ Marmara Po no atifi fam mpoano ne Constantinople . Tharce ne Makedonia Apuei fam fã kɛse no ara faa Bulgaria asasesin no. Serbia dii Kosovo, Makedonia atifi fam atɔe mmeae no so nkonim . Greece faa Eripus, nsupɔw a ɛwɔ Aegean Po no mu ne Macedonia anafo fam atɔe wɔ Thessaloniki na bere a wɔde wɔn nsa hyɛɛ London Apam ase akyi no, ɛma wɔhyehyɛɛ Albania man a ɛde ne ho. Nanso, akasakasa a ɛkɔɔ so wɔ Makedonia mu mpaapaemu ho no maa mpaapaemu baa nkabom no mu, na Balkan Ko a Ɛto so Abien no fii ase wɔ asram kakraa bi akyi.