Audrey Gadzekpo

Wɔakyerɛw nsɛm yi wɔ Akuapem kasa mu

Ɔbenfo Audrey Sitsofe Gadzekpo yɛ Ghanani a ɔyɛ nsɛm ho amanneɛbɔfo ne ɔbea panyin wɔ Sukuu a ɛhwɛ Amanneɛbɔ ne Nkitahodi Adesua so wɔ Ghana Sukuupɔn mu . Kan no na ɔyɛ Nkitahodi Ho Ɔfotufo ne Ɔkyerɛkyerɛfo a ogyina mmea akuw ananmu. Ɔsan nso yɛ Webster Ghana afotufoɔ kuo no muni.

Nwomasua

Ɔyɛ Ɔbenfo a ɔka ho wɔ Nsɛm ho Amanneɛbɔ ne Nsɛm ho Amanneɛbɔ ho Adesua mu. Ɔkɔɔ Birmingham Sukuupɔn a ɛwɔ Britain baabi a owiee ne PhD wɔ Nhomasua mu wɔ Center for West African Studies. Ɔnyaa ne MA wɔ Nkitahodiɛ mu wɔ Brigham Young Suapɔn a ɛwɔ Utah wɔ USA ne ne Bachelor of Arts wɔ Borɔfo kasa mu wɔ Ghana Suapɔn mu .

Adwuma

Ɔhyɛɛ n’adwuma ase wɔ afe 1993. Wɔ Ɔpɛpɔn 2017 mu no, Ɔmanpanyin Nana Akufo-Addo bɔɔ ne din sɛ boayikuo no muni a ɔreyɛ nhyehyɛeɛ ama Ghana Ahofadi mfeɛ aduosia.

Wɔ June 2017 mu no, na ɔka Ɔman Nsɛm ho Amanneɛbɔ Bagua no mufoɔ a wɔde wɔn hyɛɛ mu sɛ wɔmmoa mma wɔmfa Broadcasting ne Right to Information mmara no nyɛ mmara.

Wɔ June 2017 mu no, ɔne Ɔbenfoɔ Ayokoe Anim-Wright, Cynthia E. Ofori-Dwumfuo ne Gifty Bingley kasaeɛ wɔ Maiden Edition of Women in PR Ghana Nhyiamu ase.

Ne nhwehwɛmu no gyina mmarima ne mmea, nsɛm ho amanneɛbɔ ne nniso ho nsɛm so titiriw.

Wɔ Ɔpɛpɔn 2021 mu no, na ɔka boayikuo a emufoɔ yɛ baawɔtwe a wɔrebɛpaw din foforɔ ama Sini adwuma a ɛwɔ Ghana no ho.

Mprempren ɔyɛ Sukuu a ɛhwɛ Amanneɛbɔ ne Nkitahodi Adesua so Panyin wɔ Ghana Sukuupɔn mu .

Ankorankoro asetra

Ɔwɔ ɔbabea bi a wɔfrɛ no Nubuke a ɔyɛ Africa Leadership Initiative-West Africa adesuakuw a ɛto so abiɛsa no muni na ɔyɛ Aspen Global Leadership Network no muni.

Abasobɔde ne anuonyam

Na ɔyɛ ɔbenfo nsrahwɛfo wɔ Northwestern Sukuupɔn a ɛwɔ Chicago wɔ USA wɔ Program of African Studies mu fi September kosi December 2005.

Ɔsan nso yɛ Ahɔho Nhwehwɛmufoɔ wɔ Nordic Africa Institute wɔ Afrika Ahɔhoɔ Nhwehwɛmufoɔ Dwumadie mu wɔ afe 2012 (Nhwehwɛmu Kuw ‘Ntawntawdi, Ahobanbɔ ne Demokrasi Nsakyeraeɛ).

Wɔ March 2020 mu no, ɔnyaa abasobɔdeɛ wɔ Ghana Women of Excellence Awards a ɛtɔ so 5 no mu wɔ n’akannifoɔ dwumadie ho.

Anas Aremeyaw Anas de nidi maa no wɔ dwuma a odii wɔ ne sɔre mu denam sum ase nsɛm ho amanneɛbɔ a ɛkɔɔ so wɔ Ghana no ho.