Asebu Amanfi

Wɔatwerɛ nsɛm wei ɛwɔ Asante kasa mu

Asebu Amanfi,a wɔsan frɛ no "Asebu Branee" yɛ Ɔhene Katakyie ne ɔdikanfo a ɔkyekyeree Asebu ahenman no wɔ mfinfini mantam mu. Anomsɛm kasadwini kyerɛ sɛ, na ɔyɛ barima tenten gramoo a ɔwɔ ahoden mmorosoɔ na waben wɔ honhom mu nso. Wɔgyi di sɛ ɔne ne nua Farnyi Kwegya tu firii Misraim asase so traa nsutadeɛ Chad na nkakrankakra wɔbɛtenaa mfinfini mantam mu.Na wɔn na wɔkyekyeree Asebu ahennie no.

Abakɔsɛm

Wɔ atetesɛm abakɔsɛm mu no,na Asebu yɛ ɔbranee a na ne so bi nni hɔ na ɔsan wɔ honhom mu tumi. Wɔgye di sɛ ɔne ne nua Farnyi Kwegya na ɛkyekyeree Asebu Ahenman no wɔ berɛ a wɔdwane firii Misraim asase no. Abakɔsɛm ma yɛhunu sɛ na Asebu di asraafodɔm bi a na wɔhunahuna Israelfoɔ no anim. Wɔtwaa nsutadeɛ Chad kɔɔ Benin kurom na awieeɛ koraa no wɔtenaa Moore. Wɔgye di sɛ ɔnyaa ne din no firii Asuten Sabou mu. Berɛ a wɔbɛduruu Ghana Anaafoɔ fam no,ɔne ne nua bɔmbɔfoɔ Nana Adzekase na ɛkyekyeree Asebu Aheman no. Asebu bɛyɛɛ ɔhene a ɔdi kan wɔ Asebuman mu na ne nua Farnyi Kwegya a na ɔyɛ ɔbɔmbɔfoɔ no nso bɛyɛɛ ɔhene a ɔdi kan wɔ Moore. Na ɔwɔ nuabaa a wɔfrɛ no Amanfiwaa. Na ɔno na ɔnoa Asebu Amanfi aduane ma no.

Amammerɛ Mu Abakɔsɛm

• Ɔno ne Asebu Hene a ɔdi kan.
• Asebu ne obi a ɔko boa maa Asebuman ne Abakrampa mu trɛ yɛɛ kɛse. Saa beaeɛ yi nyinaa wɔ Mfinfini mantam mu wɔ Ghana.
• Wɔdi Apayemkese afahyɛ no de kae Asebu.
• Ne nkrantɛ a na ɔde di ako berɛ a na ɔte ase no da so wɔ hɔ a wɔakora no wɔ beaeɛ a nkorɔfoɔ tua sika kɔ hwɛ. Ɛma yɛkae ahoɔden a na ɔwɔ.