Akoben

Wɔatwerɛ nsɛm wei ɛwɔ Asante kasa mu

Akoben

Adinkra symbol

part of	Adinkra Ahyɛnsodeɛ
title	akoben
depicts	horn

Akobɛn/Akoben yɛ adinkra nsɛnkyerɛnne/ahyɛnsodeɛ a ɛkyerɛ abɛn a wɔde kɔ ako. Ɛyɛ ahyɛnsodeɛ a ɛgyina hɔ ma yɛ a obi ayɛ krado sɛ ɔbɛko. Wɔ Ghana ha, adwumakuo a wɔhwɛ mpɔtam ho bammɔ so (Environmental Protection Agency ) de asɛmfua ''Akonɛn'' ato dwuma bi a wɔredie so. Akoben yɛ kasa Ako ne aben.Tete no , na sɛ worekɔ akoo a na akofuoɔ no bi kura aben a wode frɛfrɛ akufuoɔ a aka no.Na sɛ worede nkonim anaaa nkuguo so a na wɔ san bɔ aben no mu.

Nkyerɛaseɛ ne Deɛ Ɛgyina hɔ Ma

Asɛmfua Akobɛn/ Akoben Abɔseɛ

Wɔnyaa asɛmfua Akobɛn/Akoben firii Twi nsɛmfua mmienu mu: ''Ako'' ɛna ''Abɛn". Kyerɛ sɛ, abɛn a na wɔde di dwuma ɔko berɛ. Ɛtumi nso gyina hɔ ma atuhoakyɛ, ɔmambapa yɛ, nokodɛdie ne ɔsom.

Abɛn no bi na na kane no, wɔde kɔ ako. Wɔbɔ mu pɛ na obiara ada ne ho so. Nti sɛ wɔde di dwuma a wɔrepɛ akyerɛ sɛ obi ayɛ krado sɛ ɔbɛgyina biribi ano.

Ne Dwumadie

Wɔde "Akoben" adi dwuma sɛ Adinkra ahyɛnsodeɛ no mu baako. Ɛdi akotene pa ara wɔ adwini mu nnwumakuo ahodoɔ pii na wɔde saa adinkra nsɛnkydrɛnne yi di dwuma wɔ wɔn ahyɛnsodeɛu mu. Wɔn mu baako ne wumakuo a wɔhwɛ mpɔtam ho bammɔ so (Environmental Protection Agency ) . Akoben  a ɛwɔ wɔn ahyɛnsodeɛ mu no gyina hɔ ma yɛ a wɔayɛ krado sɛ wɔbɛbɔ ɔmamfoɔ ho ban

Ɛnnɛ yi, sɛ yɛde di dwuma wɔ ɔman Ghana mu a, yɛrehwehwɛ sɛ ɔmanfoɔ de wɔn ho bɛsi hɔ, wɔbɛyɛ ɔmammapa na wɔbɛsom wɔn man nokorɛ mu. Sɛ nnipakuo ni reyɛ biribi na sɛ wɔpɛ sɛ amamfoɔ de wɔn ho hyɛ mu a, wɔtumi de saa nsɛnkyerɛnne no ka ahyɛnsodeɛ a wɔde redi dwuma no ho

Ɛnam Akanfoɔ so na yɛnyaa Akobɛn. Ɛyɛ abɛn bi a kane no, ɔman bi ne ɔman foforɔ yɛ dɔm na sɛ wɔrekɔdi ako a, wɔbɔ de frɛ akofoɔ nyinaa. Bio, sɛ wɔwɔ a, obiara hunu sɛ asɛm kɛseɛ asi. Nti wɔn a wɔnyɛ akofoɔ mpo da wɔn ho so.

Ɛnyɛ Akanfoɔ a wɔwɔ Ghana nko na wɔde saa abɛn no dii dwuma maa ɛ ɛgyee din. Akanfoɔ fa a wɔwɔ Cote d'Iviore, Fantefoɔ ne Akan mmusua ahodoɔ nso de dii dwuma titire wɔ ako berɛ ne berɛ a na biribi asi