Ablade Glover
- Wɔatwerɛ nsɛm wei ɛwɔ Asante kasa mu
| bɔbeasu | male  |
|---|---|
| ɔman a ofiri mu | Ghana |
| din a wɔde ama no | Emmanuel, Ablade |
| abusua din | Glover |
| da a wɔwoo no | 1934 |
| beae a wɔwoo no | Nkran |
| languages spoken, written or signed | Brɔfo |
| n'adwuma | artist, university teacher |
| employer | Kwame Nkrumah University of Science and Technology |
| educated at | Newcastle University, Kent State University, Ohio State University, Kwame Nkrumah University of Science and Technology |
| ethnic group | African Americans |
| member of | The Royal Society for the Encouragement of the Arts, Manufactures and Commerce (the RSA) |
| abasobɔde a wonyae | Fellow of the Ghana Academy of Arts and Sciences |
| wɔn wɛbsaet | http://abladeglover.org/ |
| personal pronoun | L485 |
Ablade Glover a wɔwoo no afe apem, ahankron ne aduasa-nan (1934) no yɛ Ghanani a ɔyɛ penta san nso yɛ ɔkyerɛkyerɛni. Wayi ne nsa ano nnwuma (adwini ) ahodoɔ a wayɛ akyerɛ a ɛnam so ama wɔagye no ato mu wɔ amanhodoɔ so. Ɛba no Abibrem Atɔeɛ adwinnie mu nso a ɔdi akotene pa ara.[1] Wɔde ne nsa ano nnwuma di dwuma wɔ ɔyikyerɛ akɛseɛ akɛseɛ mu. Ɛbi wɔ Japan, UNESCO atenaeɛ kɛseɛ a ɛwɔ Paris, France[2][1]
Glover agye abasobɔdeɛ ahodoɔ pii wɔ Ghana ha ne amanhodoɔ so a ɛbinom ne ''Order of the Volta'' a ɔnyaa wɔ Ghana. Ɔdɔm Royal Society of Arts kuo a ɛwɔ London no nso.[3] Na ɔyɛ ɔbenfo ne KNUST asoɛeɛ a wɔkyerɛkyerɛ adwinnie no titenani ( Head of Department-Department of Art Education, KNUST). Akyire yi, ɔbɛyɛɛ asoɛeɛ kɛseɛ a adwinnie ho nsɛm nyinaa hyɛ wɔn nsa wɔ Kwame Nkrumah Sukuupɔn mu no titenani (Dean- College of Arts- KNUST) mu de kɔsii afe Apem, Ahankron ne Aduɔkron nan (1994).[4]
Abrabɔ Mfitiaseɛ ne Nwomasua
[sesa]Wɔwoo no wɔ La a na ɛwɔ kane tete Gold Coast, ɛnnɛ yi Ghana. Emmanuel Ablade Glover hyɛɛ ne nnwomasua ase wɔ Baasere asɔre sukuu a wɔfrɛ no ''Presbyterian mission school "wɔ borɔfo kasa mu.[5] Afe apem, ahankron ne aduonum Nson ne afe apem ahankron ne aduonum-nwɔtwe ntam no, ɔkɔgyee nteteeɛ sɛ ɔkyerɛkyerɛni wɔ Kwame Nkrumah Suapɔn no mu. Afe apem, ahankron ne aduonum-nkron ne afe apem ahankron ne aduosia-mmienu (1959–62) ntam no, wɔsɔɔ n'asene maa ɔkɔsuaa Ntoma mu adwinnie yɛ (Textile Design) wɔ sukuu bi a wɔkyerɛ adwinnie a wɔfrɛ no Central School of Arts [1]
Glover san baa Ghana bɛkyerɛɛ adeɛ kakra ansa na kane mampanin Kwame Nkrumah resɔ n'asene ama wakɔsua kwan wɔfa so kyerɛ dwinnie (Art education) wɔ University of Newcastle, afe apem, ahankron ne aduosia-nan ne afe apem, ahankron ne aduosia-num (1964–65) ntam. Ɛhɔ na Glover hyɛɛ aseɛ de akadeɛ soronko bi dii dwuma a ɛmaa ne nsa ano adwuma yɛɛ soronko. Yei sii berɛ a ɔgyinaa ne kyerɛkyerɛni anom asɛm so de sikanba kaa ne nsa ano nnwuma no bi ho wɔ berɛ a waamfa brahye.[1] Glover san kɔtoaa n'adesua so wɔ US. Ɔdii kan kɔɔ Kent State University. Ɛhɔ na ɔkɔnyaa ne master's degree. Ɔsan nso kɔɔ Ohio State University [6] a, ɛhɔ na ɔkɔnyaa ne PhD wɔ afe apem, ahankron ne aduɔson-nan (1974).[1][3]
Adwuma
[sesa]Ɔnyaa ne PhD wieeɛ a ɔbaa Ghana bio no, ɔbɛkyerɛɛ adeɛ bɛyɛ mfeɛ aduonu wɔ asoɛeɛ kɛseɛ a adwinnie ho nsɛm nyinaa hyɛ wɔn nsa wɔ Kwame Nkrumah Sukuupɔn mu no mu. Ɛhɔ na ɔbɛyɛɛ asoɛeɛ no titenani.[1] Wɔbɔɔ no aba so ma ɔbɛyɛɛ ɔbenfo saa berɛ no ara.[4]
Ɔno ne Accra-based Artists Alliance Gallery a wɔhyɛɛ aseɛ afe apem, ahankron ne aduosia (1960) no kɔfabae [7][8] Akyire yi, wɔyɛɛ nsesaeɛ bi wɔ hɔ maa Kofi Annan san bɛbuee ano wɔ afe mpenu ne nwɔtwe(2008).[9] Sɛ ɛbɛyɛ a Glover ankasa nsa ano nnwuma bɛgye din nti, na ɔne ɔkyerɛ Ghana adwumfoɔ afoforɔ bi ka bom yi wɔn nsa ano nnwuma kyerɛ. Adwumfoɔ a na wɔkyerɛ wɔn nsa ano nnwuma wɔ hɔ no bi ne Owusu-Ankomah ne George O. Hughes.[10]
Deɛ Ɛma N'adwinnie Da nso
[sesa]
Nsenkuo a wɔde kyerɛ Glover nsa ano nnwuma mu ne "swirling between abstraction and realism" [1]Wɔkyerɛ a ne nsa ano nnwuma no fa nsɛm a ɛyɛ bɔserɛmuka ne deɛ ɛnyɛ bɔserɛmuka nyinaa ho. Nsɛntitire a ne nsa ano nnwuma gyina so no taa fa nneɛma ɛwowɔ nkuro akɛseɛ mu ho, sɛ ebia, mmeaeɛ a wɔde lɔre sisie, shantytowns ɛna afei dwadiba akɛseɛ. Bio, na ne nsa ano nnwuma dodoɔ no ara fa Ghana mmaa ho.[11] Wɔbisaa no deɛ ɛhyɛ ne nkuran wɔ saa nsɛntitire yi ho no, ɔkaa sɛ ''Sɛ wohwɛ a, wohunu mmaa pii wɔ me nsa ano nnwuma mu. Nkorɔfoɔ bisa deɛ nti a metaa drɔ mmaa? Berɛ a ɛdi kan a wɔbisaa me asɛm wei no, mannwene anoyie a mede maeɛ no ho. Ɛpue firii m'ano kɛkɛ sɛ mmaa ho yɛ fɛ sene mmarima. Mekaa no kɛkɛ. Akyire yi a meredwene ho no na ɛbaa m'adwene mu sɛ Abibrem mmaa yɛ akokodurfoɔ na wɔda wɔn akokoduro adi. Wɔnam, wɔn ho yɛ fɛ, wɔyɛ akokodurufoɔ. Mmarima nyɛ saa anaa wɔyɛ?'' [3]
Animuonyamhyɛ ne Abasobɔdeɛ
[sesa]Wɔ afe apem, ahankron ne aduɔkron-nwɔtwe( 1998) mu no, Ghana fakuo bi a a wɔyɛ adwinie ho mpɛnsɛmpɛnsɛnmu a wɔn din ne "Arts Critics ne Reviewers Association of Ghana" wɔ pɔtɔ kasa mu no maa Glover Flagstar abasobɔdeɛ. Bio, African-American Institute a ɛwɔ New York City nso bɔɔ no aba so sɛ asuafoɔ a afa wɔn nsam a wɔdi mu pa ara no mu baako. Wagye abasobɔdeɛ pii wɔ Ghana ne amanɔne a ɛbi ne ''Order of the Volta'' a ɔgyee wɔ Ghana, afe mpenu ne nson (2007). Ebi nso ne "Millennium Excellence" abasobɔdeɛ a ɔgyee no afe mpenu ne du (2008). Ɔyɛ Ngresi fekuo bi a ɛdi adwinie ho dwuma (Royal Society of Arts ) kuoba.[3]Ɔsan nso yɛ Ghana fekuo a ɛdi adwinie ho adesua ho dwuma (Ghana Academy of Arts and Sciences) no kuoba.[12]Wɔ Kitawonsa afe afe mpenu ne aduon-nan ( 2024) ɔdii ne ne mfeɛ aduɔkron awoda.[13] Sɛdeɛ African Business magazine kyerɛ no: "Ne nkwa nna nyinaa, nyɛ adwinnie nko ara na wayɛ ɔyɛ onipa afoforɔ hwɛ no sua no.[14]
Ɔyikyerɛ Ahodoɔ bi a Wayɛ
[sesa]- Visions & Dreams, Tasneem Oyikyerɛ (13 Ɔbɛnem–31 kɔtɔnimaa, 2008)
- Ablade Glover: 75 Year Anniversary, October Gallery, London (2 Kitawonsa–1 Ɔsanaa, 2009)
- I See You, Tasneem Oyikyerɛ (6 Kitawonsa–17 Obubuo, 2010)
- Transmission Part 2, Tasneem Oyikyerɛ Barcelona, Spain (15 Obubuo 2012–30 Ɔbɛnem 2013)
- Ablade Glover: 80th Anniversary, Ahinime Oyikyerɛ, London (3 Kitawonsa–2 Ɔsanaa 2014)
- Ablade Glover: Inner Worlds, Outer Journeys,Ahinime Oyikyerɛ London (4 Kitawonsa–3 Ɔsanaa).
Mmeaeɛ a Mmoa Firi
[sesa]- 1 2 3 4 5 6 7 Juliet Highet, "Ablade Glover – Ghanaian mirage" Nhwɛsoɔ:Webarchive, New African Magazine, 6 August 2014.
- ↑ "Ablade Glover: 80th Anniversary", October Gallery, 2014.
- 1 2 3 4 "Why I paint women, markets; Ablade Glover Digs Deep", GhanaWeb, 16 July 2012.
- 1 2 "Ablade Glover", October Gallery.
- ↑ Gates, Henry Louis, Emmanuel Akyeampong and Steven J. Niven (eds), "Glover, Emmanuel Ablade (1934–)", Dictionary of African Biography, Oxford University Press, 2012.
- ↑ David Owusu-Ansah, "Glover, Ablade (1934–)", Historical Dictionary of Ghana, Rowman & Littlefield, 2014, p. 158.
- ↑ Artists Alliance Gallery on Facebook.
- ↑ Ruth-Ellen Davis, "Interview: Ablade Glover — The veteran Ghanaian artist discusses his kaleidoscopic take on African life", Time Out Accra, 21 November 2016.
- ↑ Safia Dickersbach, "Ablade Glover — The Black Stars of Ghana", Modern Ghana, 29 August 2013.
- ↑ "Artists Alliance Gallery, Labadi", Time Out Accra, 15 July 2013.
- ↑ "Ablade Glover", Tasneem Gallery.
- ↑ Graphic.com.gh (14 July 2017). "Prof Ablade Glover delivers keynote address at Atuu Festival of Arts launch". Graphic Online (in British English). Retrieved 19 January 2021.
- ↑ "Ablade Glover: Inner Worldsa, Outer Journeys | 4 July – 3 August 2024". October Gallery. Retrieved 8 July 2024.
- ↑ Allen, Emily (24 June 2024). "Young and old African artists celebrated at October Gallery shows". African Business. Retrieved 8 July 2024.