Wikipedia

Wɔatwerɛ nsɛm wei ɛwɔ Asante kasa mu

Ɛbɛyɛ afe apem ahankron ne aduasia mu(1960s) na wɔwoo Jennifer Nansubuga Makumbi. Ɔyɛ Uganda - Amerika nwoma twerɛfoɔ .  Wɔyii no kaa nipakuo a wɔn mmɔndenmɔ sɔ ani ɛwɔ nwomatwerɛ ho siane bɔbɔɔ de Kwani? abasobɔdeɛ bɔɔ no ɛwɔ  ne nwoma a 'The Kintu Saga'  a ɔtwerɛeɛ. Afe mpenu ne du mmiɛnsa(2013)  'Manuscript Project. (3) 'Kwani Trust ɛwɔ afe mpenu ne du nan(2014) too nwoma no din 'Kintu' siane  de atwensɛm nwoma yi bɛtoo twa.(4)(5)(6) Ne nwoma no bi ne 'Manchester Happened' ɔde too dwa ɛwɔ afe mpenu ne du nkron mu(2019).(7) Commonwealth Short Story Prize dwumadie a wɔdii no wɔ  afe aduonu ne du nan(2014) mu no, wɔyii ne nwoma 'Let's Tell This Story Properly'' kaa  nkorɔfokuo a wɔbɔɔ wɔn aba so no ho. (8) Ɔbɛyɛɛ Mpɔtamni nkonimdifoɔ ɛwɔ Abibi man mu.(9) Afe mpenu ne du nan(2014) Commonwealth Short Prize dwumadie no kɔɔ n'awieɛ no, wɔyii no sɛ ɔno na wabɔ ne ho mmɔden pa ara ɛwɔ dwumadie no mu. (10)(11) Afe mpenu ne du nan(2014) Etisalat Prize for Literature nso wɔde ne din kaa ho bɔɔ n'aba so wɔ hɔ. (12). Ɔkyerɛ 'Creative Writing'  ɛwɔ Lancaster Suapɔn no mu. (13). Wɔbɔɔ no abaso bio  ɛwɔ Windham-Campbell Prize. dwumadie ase  ɛsiane ne bɔsrɛmka ho nsɛm a ɔtwerɛe ɛwɔ afe mpenu ne du nwɔtwe mu(2018). (14) Ɔde ne nwoma, 'The First Woman ' nso nyaa Jhalak Prize abasobɔdeɛ . Ɔne ne kunu Damian ne ne ba barima Jordan tenaa Manchester .

Abrabɔ ahyɛaseɛ ne Sukuukorɔ.

Wɔwoo Jennifer Nansubuga Makumbi ɛwɔ Kampala a ɛwɔ Uganda man mu. Ɔno ne ba panin wɔ ne papa Anthony Kizito Makumbi mma mu. Ɛyɛ ba a ɔtɔ so mmiɛnsa ɛwɔ ne maame Evelyn Nnakalembe mma mu. N'awofoɔ ntam teteɛ berɛ a na wadi mfeɛ mmienu ɛna ɔne ne nana barima  Elieza Makumbi tenaa mfeɛ mmienu.

Idi Amin amammuo abrɛ so no ,wɔkyeree ne papa  a na ɔyɛ adwuma wɔ sikakorabea bi mu yɛɛ no ayakayakadeɛ. Berɛ a wɔde ne nkwa kyɛɛ no no,ɔnyaa adwene mu haw ne nkwa nna nyinaa de kɔsii berɛ a ɔwuiɛ. Makumbi sewaa, Catherine Makumbi-Kulubya na ɔtetee no. Ahyɛaseɛ no,na ɔne n'abusua te Nakasero.Ɛyɛɛ kakra no, wɔkɔtenaa Kololo.

Ɔnyaa ne O-Level abɔdin krataa ɛwɔ Trinity College Nabbingo ɛna ne A-Levels nso, ɔnyaa B.A degree in English abɔdin krataa ɛwɔ King's College Budo. Ɔdɔɔ sukɔ ɛwɔ adekyerɛ mu a ɛfa kasa dwini ho ɛwɔ Brɔfo kasa mu ɛwɔ Islamic Suapɔn a ɛwɔ Uganda. Ɔbɛyɛɛ atwerɛ mu samufoɔ maa saa supɔn no nwomada hɔ mu, IUIU Mirror no. Makumbi dii kan kyerɛɛ adeɛ ɛwɔ Nakasero Sukuu ntoasoɔ mu a ɛyɛ A-level sukuu. Ɔsiase kyerɛɛ adeɛ mfeɛ nwɔtwe ɛwɔ Hilside High  School. Ɛyɛ ankorankorɛ ntoasoɔ  sukuu a ɛwɔ Uganda.

Inta-sonu akansie a ɛkɔɔ so ɛwɔ Luganda no,ɔtwerɛɛ ahwɛgorɔ nwoma a ɔtoo ne din sɛ 'Sitaani Teyebase'. Ɔde saa nwoma yi dii nkonim ɛwɔ akansie no mu maa ɔde kɔɔ aporɔ ɛwɔ SDA nsɔrensɔre ahodoɔ a wɔwɔ Kampala.

Afe mpenu ne baako ɛwɔ   Ɛbɔ bosome mu no(9-2001), wɔgyee no sɛ suani ɛwɔ Manchester Metropolitan  University maa ɔkɔnyaa abɔdin krataa(MA) ɛwɔ Creative Writing  mu. Ɔwiee PhD ɛwɔ Creative Writing mu ɛwɔ Lancaster Suapɔn mu.(16) Makumbi akyerɛ adeɛ ɛwɔ UK suapɔn ahodoɔ pii mu a na ɔrekyerɛ Brɔfo kasa ɛne  Creative Writing sɛ   suapɔn no kyerɛkyerɛni  N'atwerɛ dan Granda anum kasadwini adi pa ara ɛnkanka atesɛm a ɛfa gyidiehunu ho ,abakɔsɛm a ɛfa nnipa titire bi ho, anansesɛm na kasa mmɛbuo ho. (17)(18)

Atwerɛ

Makumbi hyɛɛ aseɛ twerɛe bɛrɛ a na wadi mfeɛ du num(15). Ɔsiase de ne ho hyehyɛɛ ahwɛgorɔ mu sii akan ahodoɔ maa ne sukuu maa wɔtɔɔ so mmiensa. Ɔtwerɛɛ ahwɛgorɔ bio berɛ a na wadi mfeɛ du nwɔtwe (18) maa ɛno nso wɔtɔɔ so mmiɛnsa. Na ɔwɔ Senior 3 no, ɔtwerɛɛ n'ahwɛgorɔ  a ɛdi kan a ɔde yɛɛ Inter-house competition maa ɔdii nkonim.  Ɔtwerɛɛ saa ahwɛgorɔ yi nyinaa ɛwɔ Brɔfo kasa mu. [16].  Ɛwɔ afe apem ahankron ne aduokron nan mu no (1994), ɔhyɛɛ aseɛ sɛ ɔbɛtwerɛ ahwɛgorɔ ahodoɔ agugu ne nwoma ketewa bi mu sɛdeɛ ɛbɛboa no ama watumi adan n'atenka a ɔnya wɔ n'asetena mu adi. Ɔtwerɛɛ anwonsɛm bɛboro aduonum(50) nso anka no da sɛ ɔde bɛpue abɔntene. Ɔhyɛɛ aseɛ twerɛɛ prosu ɛwɔ afe apem ahankron ne aduokron nwɔtwe mu(1994) berɛ a na ɔrekyerɛ adeɛ ɛwɔ Kampala[19]

Amammerɛ  pa ara na na Makumbi twerɛ fa ho. Ne suahunu maa no hunuu ɔbɛtumi atwerɛ nsɛm pii na afa  amammerɛ nsɛm ho ɛfiri sɛ ɛho nsɛm dɔɔso. Waka sɛ,' Eng coat ''...[20] Ɛwɔ sɛ yɛhyɛ no nso sɛ ne bɔseɛmuka atwerɛ  no mu nsɛm no gyina Abibirem ha nsɛm ho.