Terminalia catappa

Wɔatwerɛ nsɛm wei ɛwɔ Asante kasa mu

Terminalia catappa

taxon

has use	afforestation, medicinal plant, ntabo, building material, aduane
short name	T. catappa
taxon name	Terminalia catappa
taxon rank	species
parent taxon	Terminalia
taxon common name	Indian almond
has fruit type	drupe
IUCN conservation status	Least Concern
maintained by WikiProject	WikiProject Invasion Biology
taxon range	Fujian, Tibet Autonomous Region, Guangdong
taxon author citation	L.
GRIN URL	https://npgsweb.ars-grin.gov/gringlobal/taxonomydetail.aspx?id=36334

Terminalia catappa yɛ nwura mu dua kɛseɛ bi a ɛka l leadwood nnua abusuakuo no ho. Beaeɛ a wɔsusu sɛ n'ase firi ankasa ne Asia, Australia, Madagascar ne Seychelles. Borɔfo din a nnipa dodoɔ no ara nim ne country almond, Indian almond, Malabar almond, sea almond, tropical almond, beach almond ɛna false kamani.

Ne Bɔberɛ

Dua no tumi nyini pa ara na sɛ wɔsusu a ne tenten tumi yɛ mita aduasa num; ne anamoɔn ɔha ne du num(15feet). Adauaba a ɛso wɔ so no mu nyɛ duru. Bio, ɛyɛ den kakra. Nti sɛ nsuo tɔ anaa mframa a ano yɛ den fa a, ɛmu tumi paepae. Dua no renyini nyinaa na ɛretae. Anaa ɛretrɛ. Ne mmae no nso ahyehyɛ wɔn ho nnidisoɔnnidisoɔ. Ne nhaban nso trɛ. Ɛwowa, na ahaban no ahosuo nso ahabanmono a ani dum. Sɛ ɔpɛ berɛ duru a ɛyɛ a na ɛmu nsuo no yɛ dɔkɔkɔkɔ ansa na atete. Ɛrebɛtete a , ɛyɛ nkɔkɔɔnkɔkɔɔ. Dua no wɔ nhwiren a abɔdeɛ mu nyansapɛfoɔ kyerɛ sɛ wɔyɛ mmaa ne wɔn a wɔyɛ mmarima no nyinaa bi. N'aduaba no wowa, na ɛsos.

Baabi a Ɛwɔ

Ɛnam nnipa so ama ma no agye baabiaa. Ɛrekame ayɛ sɛ, baabi a wobɛkɔ biara no, ebi wɔ hɔ. Mmerɛ tenten ni na ɔmanfoɔ wɔwɔ Abibirem, Australia, Guinea, Afei Asia anaafoɔ fam, Micronesia ne Indian ahyɛ da adua terminalia catappa . Nansa yi ara na wɔde kɔɔ Amerika man mu nso. Kane no deɛ, na nka Asai nko ara na dua no wɔ. Akyire yi, yɛbɛnyaa bi wɔ baabi a yɛadi kan aka no asɛm yi. Nanso ɛfiri Afe Apem ne ahankron reba no, dua no agye ntrɛha wɔ wiase afaanan nyinaa.

Ne Dwumadie

Aduaba a ɛso wɔ dua no so no yɛ deɛ wɔtumi di. Sɛ wodi a, ɛyɛ a na ɛmu ka kakra. Mma a ɛhyehyɛ nnuaba no mu no nso wɔtumi we wɔ berɛ a wɔnnoaeɛ. Sɛ ɛbere a, n'ahosuo no tumi yɛ sɛ akokɔ seradeɛ anaa kɔkɔɔ a ɛne akokɔ seradeɛ adi afra. Ɛbere a, biribi wɔ mu a wɔfrɛ no almond ɛyɛ ma nipadua no, nanso Ɛyɛ den sɛ wɔbɛtumi ayi almond no afiri ne mma no mu.

Ɛnam sɛ ne dua no yɛ den na ɛmma kwan ma nsuo nkɔmɔ mu nti, wɔtumi de yɛ kodoɔ.

Dua no ho Mfonini

• 
  Ne nhwiren
• 
  N'ahaban
• 
  N'aduaba ne ɛmu mma. Mfonini yei kyerɛ berɛ biara ne sɛdeɛ aduaba no si te, firi berɛ ɛbɛhyɛ aseɛ aso kɔpem sɛ ɛbɛbere.
• 
  Duamu no ankasa
• 
  Sɛdeɛ ɛteɛ wɔ ɔpɛ berɛ.