Tepa Banie

Wɔatwerɛ nsɛm wei ɛwɔ Asante kasa mu

Tepa Banie yɛ bosomkɛseɛ ma Asanteman.Saa bosomkɛseɛ yi wɔ Tepa man mu; Tepa yɛ kuro wɔ Asanteman mu, Ghana, na ɛno ne kuro a ɛda Ahafo Ano Atifi fam no ano. Tepa yɛ kuro a wɔn dwuma titire ne kuayɔ ne dwadie.Na ɛyɛ kuro nso a wɔnntoto wɔn amammerɛ ne amanneɛ ase ne titire no Tepa Banie a ɔboa kuro no ne Asanteman wɔ honhom fam.

Abakɔsɛm

Tepa Banie abakɔsɛm no wɔ nhini pa ara wɔ Asante amammerɛ mu wɔ Ghana. Tepa Banie yɛ bosomkɛseɛ wɔ Asante ahennie mu,na ɔwɔ tumi a ɔma obonyini tumi wo na afei ɔboaa Asanteman wɔ ako mu maa Asante ne Tepa ahennie no yɛɛ kɛse.

Saa tumi kɛseɛ a Tepa Banie kura no nti ,Tepahene nko ara ne nipa a ɔhyɛ fitaa de kɔ ayie ase ne adwabɔ ahodoɔ nyinaa ase nanso Asante nhenfo nkaeɛ no deɛ wɔnni saa akwanya no, wɔhyɛ tuntum.Saa amanneɛ yi kyerɛ tumi kɛseɛ a ɛkura Banie bosom no wɔ Asante ahennie mu. Tepa banie abɛyɛ adeɛ a ɛne Asante ahennie no anya ayɔnkofa kɛseɛ.