Tano Bosom

Wɔatwerɛ nsɛm wei ɛwɔ Asante kasa mu

Tano bosom yɛ bosomkɛseɛ baako wɔ ɔman Ghana mu. Saa bosom yi asɔnneɛ so wɔ Tanoboase ne Takyiman wɔ Bono mantam mu. Tano bosom yɛ Asantefoɔ bosom a wɔkyerɛ mu sɛ ɛno ne Agya ma Akanfoɔ bosom ahodoɔ no nyinaa. Ɛno nti ɛwɔ din sɛ "Taa Kora". Tano bosom no wɔ nkorabata beberee wɔ Akanman mu a wɔn nyinaa de nidie ma wɔn sɛ Tano bosomkɛseɛ no ara.

Ne Din Ahodoɔ

Tano bosom no wɔ din ahodoɔ beberee a wɔde frɛ no. Ɛbi ne;

• Taa Akora
• Tano Akora
• Tano Kwesi
• Tano Ɔkuradeɛ
• Fantefoɔ nso frɛ no Tando( asekyerɛ ne sɛ "agradaa nyame".

Farebaeɛ ne abakɔsɛm

Abakɔsɛm kyerɛ sɛ ɔpanin bi a wɔfrɛ no Opanin Takyi Firi ne ne nuabaa Afia Ankomah na wɔte kwaebiretuo bi mu wɔ Bono ne Ahafo mantam mu. Na wei na da koro bi Afia Ankomah kɔɔ nsuo bi mu sɛ ɔrekɔyi nam. Enti ɔguu asaw a ɔyii nam no guu ne kɛntɛn mu no, ɔhunuu sɛ nam no a ɔyiiɛ no yɛ adeɛ foforɔ wɔ kɛntɛn no mu. Ɛno nti ɔsan yi firii kɛntɛn no mu guu fam. Na amonom hɔ ara ɛhɔ nyinaa yɛɛ sum. Enti ɔsan de too kɛntɛn no mu baa fie. Na berɛ a ɔduruu fie no, adeɛ a ɛwɔ kɛntɛn no mu no bɔ wuraa Afia Ankomah mu na ɔdaa ne ho adi kyerɛɛ Opanin Takyi Firi ne nuanom nyinaa sɛ ɔno ne Asuo Tano no, na waba sɛ ɔne wɔn rebɛtena. Ɛno nti ɔkyerɛɛ wɔn baabi a ɔbɛtena maa Opanin Takyi Firi ne n’abusua nyinaa tu kɔɔ hɔ a mmoa a yɛfrɛ wɔn sɛ baabun (baboon) atwa wɔn ho ahyia anaa sɛ ɛbɔ wɔn ho ban.

Ne su

• Ɔyɛ bosomkɛseɛ a ɔdi ako anim. Na ɔwɔ agyan ne tuo a wɔfrɛ no (kɔdiewuo).
• Ɔte ayerɛmo ne agradaa.
• Ɛda a ɔpie ne Kwasiada. Na ne somafoɔ ne adɛnkyɛm.
• N’ahyɛnsodeɛ ne aboɔ a ɛgugu Asuo Tano ano no.
• Ɔyɛ Asantefoɔ ako mu nyame ( Asante god of war)

N’akyiwadeɛ

• Adeɛ a ɔkyiri ne ɔbaa a wakyima.
• Ɛyɛ n’akyiwadeɛ sɛ wobɛkum baabun.
• Ɔnpue Wukuada.
• Wɔn a wɔsom no no nnwe apɔnkye anaa sɛ baabun ne nsuomnam.