Sɛ-sɛntefoɔ (Apostrophe)
- Wɔatwerɛ nsɛm wei ɛwɔ Asante kasa mu
Sɛ-sɛntefoɔ yɛ kasasu a ɛdi dwuma wɔ kasadwini mu no mu baako. Ɛne sɛ obi rekasa akyerɛ adeɛ bi a ɛnyɛ nipa te sɛdeɛ ɔne onipa na ɛrekasa.
Berɛ yɛtaa hyia saa kasasu yi
[sesa]SεSε wosi wo nnoↄma hata na osuo te gu a, woyε deεn? Ԑyε a woyε basaa. Ԑtↄ da mpo a wokasakasa. Wotumi ka sε, “Osuo yi, wonnyae mma me nnoↄma yi nwo?” Anaa meboa? Wokasa a, hwan na
εyε a na worekasa akyerε no? Osuo. Nanso ↄnyε nnipa, na ↄnni aso a ↄde bεte deε woreka no. Yɛtumi hyia sɛ-nipa sononko bi wɔ berɛ a yɛrekasa akyerɛ biribi a ɛnte asɛm sɛdeɛ ɛtumi te deɛ Yɛreka no. Yɛtaa hyia saa sɛ-sɛntefoɔ yi wɔ berɛ a yɛne ahonhom, awufoɔ, anaa ewiem nsakraeε bi redi nkutaho.
Nsonsonoeɛ a ɛda sɛ-sɛntefoɔ ne sɛ-nipa ntam
[sesa]Saa kasasu yi ayε sε sε nipa na mmom nsonsonoeε a εda yei ne sε-nipa ntam ne sε, sε-nipa deε, adeε bi a εnyε nipa redi dwuma sε nipa, εnna sε-sεntefoↄ ne sε wo ne adeε a εnyε nipa anaa mpo yεmfa yεn ani nhunu rekasa. Megye di yie sε nkyerεkyerεmu no mu ada hↄ yie pa ara. Sε εkyere w’adwene a, sane kenkan bio.
Nhwɛsoɔ
[sesa]a. Owuo, woaha me papa.
b. Mframa yi nso, worepra me nnoↄma yi kↄ.
c. Awia, bra na menhata m’aburo yi.
H. Abirabɔsɛm (Irony)
Saa kasasu yi nso kyerɛ asɛm a obi reka na adwene a