Nsa (Alcohol)

Wɔatwerɛ nsɛm wei ɛwɔ Asante kasa mu

Nsa (ethanol) yɛ adeɛ a ano yɛ den a wɔde asikyire ne starch a ɛfiri aburo, nnuaba, anaa nhabannuro mu na ayɛ. Ɛno ne adeɛ titire a ɛwɔ nneɛma binom te sɛ beer, bobesa, ne spirits mu. Bio wɔtumi de asikyire a aburu wɔ nnua bi te sɛ barley ne grape nso yɛ.

Nsunsuansoɔ A Nsa De Ma Nipadua

• Nsa nam yafunu ne nsono ketewa no mu na ɛfa nipadua no mu nyinaa.
• Na brɛboɔ no nso de ayɛ adwuma. Na dɔnhwere baako biara no, brɛboɔ no de nsa dodoɔ a akɔ nipadua no mu na ɛyɛ adwuma a ɛnfa ɔhare so na ɛyɛ na mmom ɔto ne no ase na ɛdi saa dwuma no.
• Nsa ma adwene mu dwumadie no kɔ fam; ɛnma wontumi nnwene yie, wo kasa mpo nsisi so, nanteɛ nso bɛyɛ wo den ɛfiri sɛ honam no mu nnompe a ɛboa ma nipa tumi nante no nyinaa bɛyɛ mmerɛ.
• Sɛ nipa nom nsa a,ɛboro nipadua no.Na ɛma woyɛ bɔtee anaa sɛ w’ani so yɛ hyehyeehye kyɛn sɛdeɛ ɛsɛ ɛyɛ.
• Onipa a ɔnom nsa pii no, nsa no bɛyɛ awuduro ma nipadua. Na nsunsuansoɔ a nipa no nya no bi ne; ɛfeɛ,ne home no nsisi so, ɔyɛ merɛ paa na mpo ɔtumi wu.
• Nsunsuansoɔ a ano yɛ den a nsa de ma nipadua no ne sɛ ɛsɛe brɛboɔ na ɛsɛe akoma nso.

Statistiks

• Wɔ afe mu wɔ wiase afanaa nyinaa no, nnipa a nsa kum wɔn no bɛyɛ ɔpepem mmienu akyiripɔ nsia (2.6million). Na wɔn a ɛkum wɔn pa ara yɛ wɔn a wɔadi mfeɛ bɛyɛ aduonu kɔsi aduasa nkron.
• Nnipa bɛyɛ sɛ ɔpepem ahannan wiase afanaa nyinaa na nsanom abɛyɛ wɔn su a wɔntumi nnyae. Ɛne wɔn mogya no afa a ɛno nti wɔanya bi a wɔntumi ntena. Na ɛho ayarehwɛ no nso yɛ kakra bi.
• Wɔn a wɔnom nsa pa ara no taa nya akomayareɛ ne mogyaborosoɔ.

Mmara Mu

Wɔn a mmara ho kwan ma wɔtumi nom nsa yɛ wɔn a wɔadi mfeɛ aduonu de rekɔ wɔ U.S aburokyiman mu ne aman ahodoɔ so.

Mfasoɔ

Abɔdeɛ mu nyansapɛfoɔ susu sɛ ɛwɔ sɛ nsa kakra ba nipadua no mu nanso saa mfasodeɛ yi mmoro ɛho nsunsuansoɔ a ɛde brɛ nnipa no so.