Ngozi Okonjo-Iweala

Dr Ngozi Okonjo-Iweala Nhwɛsoɔ:Post-nominals
Okonjo-Iweala in 2021
7th Director-General of the World Trade Organization
Mprenpren
Bere 8 March 2021
Odikanfo	Roberto Azevêdo
Minister of Finance
Bere 17 August 2011 – 29 May 2015
Ɔmanpanyin	Goodluck Jonathan
Odikanfo	Olusegun Olutoyin Aganga
Ananmusini	Kemi Adeosun
Bere 15 July 2003 – 21 June 2006
Ɔmanpanyin	Olusegun Obasanjo
Odikanfo	Adamu Ciroma
Ananmusini	Nenadi Usman
Coordinating Minister for the Economy
Bere 17 August 2011 – 29 May 2015
Ɔmanpanyin	Goodluck Jonathan
Odikanfo	Olusegun Olutoyin Aganga
Ananmusini	Position abolished
Minister of Foreign Affairs
Bere 21 June 2006 – 30 August 2006
Ɔmanpanyin	Olusegun Obasanjo
Odikanfo	Oluyemi Adeniji
Ananmusini	Joy Ogwu
Ne ho asɛm
Awo bere	13 June 1954 (1954-06-13) Ogwashi Ukwu, Nigeria
Citizenship	Nigeria (1954–present) United States (2019–present)
Nehokani	Ikemba Iweala
Mma	4, including Uzodinma
Adesua	Harvard University (BA) Massachusetts Institute of Technology (MA, PhD)

Ɔbenfo Ngozi Okonjo-Iweala GCON (/əŋˈɡoʊzi əˈkoʊndʒoʊ ɪˈweɪlə/, Igbo kasa a wɔbɔ din: [ŋ́gɔ́zí òńdʒó ìwáàːlà] wɔwoo no 13 June 1954) yɛ Nigeriani sikasɛm ho ɔbenfoɔ a wayɛ Wiase Aguadi Ahyehyɛdeɛ no kwankyerɛfoɔ panin firi Oforisuo 2021. Ɔyɛ ɔbaa a ɔdi kan na ɔsan nso yɛ Afrikani a ɔdi kan a ɔdii Wiase Aguadiɛ Ahyehyɛdeɛ no anim sɛ ɔkwankyerɛfoɔ panin.

Kan no na ɔka Danone, Standard Chartered Bank, MINDS: Mandela Asoɛe a Ɛhwɛ Nkɔso Ho Adesua So, Carnegie Endowment a ɛhwɛ Amanaman Ntam Asomdwoe so, Georgetown Asoɛe a ɛhwɛ Mmea, Asomdwoe ne Ahobammɔ so, Ɔsatu Baako, GAVI: Wiase Nyinaa Apam a Ɛhwɛ Vaccines ne Immunization so, Rockefeller Foundation, R4D: Results for Development, ARC: African Risk Capacity ne Earthshot Prize ne baguafo no mu afoforo nso. Ɔsan nso dii kan tena Twitter Akwankyerɛ Kuo no mu, na ɔgyaee adwuma wɔ Ɔpɛpɔn 2021 mu wɔ ne paw sɛ Wiase Aguadi Ahyehyɛdeɛ no kwankyerɛfoɔ panin no ho.

Okonjo-Iweala som wɔ Brookings Asoɛe sɛ ɔyɔnko a ɔda nsow a ɔnyɛ ɔtefoɔ a ɔne Afrika Nkɔsoɔ Dwumadie wɔ wɔn Wiase Nyinaa Sikasɛm ne Nkɔsoɔ Dwumadie mu. Ɔyɛ Commissioner Emeritus ne Co-Chair wɔ Wiase Nyinaa Bagua a Ɛhwɛ Sikasɛm ne Wim Tebea So. Wɔ Wiase Nyinaa Sikakorabea no, na ɔde mfe 25 ayɛ adwuma sɛ nkɔso ho sikasɛm ho ɔbenfo; ɔreforo abɛyɛ Managing Director for Operations firi afe 2007 kɔsi afe 2011. Okonjo-Iweala ne Nigeriani bea a ɔdi kan a ɔdii dwuma mprenu sɛ Nigeria Sikasɛm Soafoɔ; mfiase no, wɔ Ɔmampanyin Olusegun Obasanjo ase fi afe 2003 kosi afe 2006; na nea ɛtɔ so mmienu, wɔ Ɔmampanyin Goodluck Jonathan ase firi afe 2011 kɔsi afe 2015. Ɛno akyi no, ɛfiri June kɔsi August 2006 no, ɔyɛɛ Ɔmanpanyin a ɔhwɛ Nigeria Amannɔne Nsɛm so. Wɔ afe 2005 mu no, Euromoney bɔɔ ne din sɛ Wiase Nyinaa Sikasɛm Soafo a Ɔsen Biara wɔ Afe no mu.

Mfitiase asetra ne nhomasua

Wɔwoo Okonjo-Iweala wɔ Ogwashi-Ukwu, Delta State, Nigeria, faako a na ne papa, Ɔbenfo Chukwuka Okonjo, yɛ Obi (ɔhene) wɔ Obahai adehye abusua a ɛwɔ Ogwashi-Ukwu wɔ Nigeria.

Ɔkɔɔ Queen’s School, Enugu bere tiaa bi; akyiri yi wɔde no kɔɔ baabi foforo sɛ ɔnkɔtra hɔ na ɔkɔtoo ne nhomasua so wɔ St. Anne Sukuu, Molete, Ibadan, Oyo Mantam mu; na ɔsan nso kɔɔ Amanaman Ntam Sukuu, Ibadan, a ɛwɔ Oyo Mantam mu. Wɔ afe 1973 mu no ɔtu kɔɔ Amerika kɔsuaa adeɛ wɔ Harvard Suapɔn mu na ɔwiee sukuu wɔ magna cum laude a ɔnyaa AB wɔ sikasɛm mu wɔ afe 1976 mu.Ɔnyaa abodin krataa a ɛkorɔn wɔ kuropɔn nhyehyɛeɛ mu wɔ afe 1978 mu na ɔnyaa ne PhD wɔ ɔmantam sikasɛm ne nkɔsoɔ mu wɔ afe 1981 mu wɔ Massachusetts Institute of Technology a ɔde asɛmti a ɛne Credit policy, nkuraase sikasɛm gua, ne Nigeria kuayɛ nkɔsoɔ. Onyaa amanaman ntam fekubɔ fii Amerika Sukuupɔn Mmea Fekuw (AAUW) hɔ, a ɛboaa ne oduruyɛfo adesua no.