Mperewa Nyinsɛn

Wɔatwerɛ nsɛm wei ɛwɔ Asante kasa mu

Mperewa Nyinsɛn yɛ nyinsɛn a ɛsi wɔ mmaa a wɔnuruu wɔn mpanin mfeɛ so na wɔanyinsɛn; ne titire bɛyɛ mfeɛ dunnum de kɔsi dunnkron (15-19) ne wɔn a wɔadi mfeɛ du kɔsi dunnum.Mperewa nyinsɛn yɛ adeɛ a ɛsi wiase afanaa nyinaa. Na ɛwɔ apɔmuden mu nsunsuansoɔ ne asetena mu ahokyerɛ ne ɔhaw.

Apɔmuden mu nsunsuansoɔ ne ɔhaw

• Mpɛn pii no, mmaa a wɔnuruu wɔn mpanin mfeɛ so na wɔnyinsɛn no tumi nya apɔmuden mu haw bi te sɛ; mogyaborosoɔ, wɔn ho nsuo nyinaa tumi sa anaa sɛ wɔtumi wo wɔ berɛ a wɔn berɛ nya nnuruu sɛ wɔbɛwo.Bio, mmɔfra a wɔbɛwo wɔn no mu yɛ hare anaa sɛ wɔyɛ nketenkete.
• Afei nso, mmaa a wɔnyaa mfeɛ dunnum na wɔnyinsɛn no nni ahoɔden papa biara a wɔtumi de kora nyinsɛn ɛsiane sɛ wɔn ahoɔden wɔ fam.
• Bio, nyinsɛn mu haw tumi ma mmaa a wɔnyinii nnuruu wɔn mpanin mfeɛ so na wɔnyinsɛn no hwere wɔn nkwa. Adanseɛ kyerɛ sɛ wiase nyinaa, wɔn a wɔadi dunnum de kɔsi dunson no taa hwere wɔn nkwa.
• Mpɛn pii nso mperewa nyinsɛnfoɔ tumi yɛ hahaaha. Na wɔtumi nya nkekaeɛ nso wɔ wɔn nyinsɛn mu.

Deɛ ɛde ba

• Nnamfosɛm
• Ahokyerɛ ne ohia
• Awofoɔ a wɔnte wɔn ani nhwɛ wɔn mma yie.
• Nnipa no bi wɔ hɔ nso a wɔpɛ sɛ wɔhunu sɛdeɛ ɔbaa ne ɔbarima nhyiamudie si teɛ.
• Nnipa no bi wɔ hɔ nso a wɔnnya nkyerɛkyerɛ fa ɔbaa ne ɔbarima nhiamudie ho.

Ɛho nsunsuansoɔ

• Ɛtumi ma ɔbaa a wanyinsɛn no gyae sukuu. Ɛtɔ da mpo a mmarima a wɔne wɔn faa saa afuro no nso tumi gyae sukuu anaa sɛ yɛyi wɔn adi firi sukuu mu.
• Mpɛn pii no, mperewa nyinsɛnfoɔ ntumi ne wɔn nnamfonom nni agorɔ. Wɔtwe wɔn ho firi wɔn nkyɛn. Na ɛba saa nso a ɛde adwendwene ne awerɛhoɔ na ɛbɛtɔ wɔn so.
• Bio, mperewa nyinsɛn de ahokyerɛ ba
• Ɛtumi ma wɔn abrabɔ yɛ basaa.

Sɛdeɛ yɛbɛsi ano kwan

• Ɛwɔ sɛ mmabunu nya ɔbaa ne ɔbarima nhyiamudie ho nkyerɛkyerɛ.
• Ɛwɔ sɛ awofoɔ ma wɔn ani kɔ wɔn mma ho.