Kyiribra
- Wɔatwerɛ nsɛm wei ɛwɔ Asante kasa mu
Kyiribra yɛ Akanfoɔ amanneɛ no mu baako a wɔyɛ de ma ɔbaa a wɔaduru ne mpaninfeɛ so nanso wɔantwɛn anma wɔangoro no bra na wɔanyinsɛn. Saa asɛmfua "kyiribra" firi Akan kasa "kyiri" a brɔfo kasa mu no asekyerɛ ne "to hate" ne "bra" a brɔfo kasa mu no asekyerɛ ne "life/menses na wɔaka abom. Ɔbaa a ɔfa nyinsɛn a yɛngoroo no bra no yɛ Akanfoɔ akyiwadeɛ ɛno nti na wɔyɛ saa amanneɛ yi de twe wɔn aso no.[1][2]
Wɔ Akanman mu no, wɔyɛ bragoro de yi ɔbaa firi mmɔfrayɛ mu ba mpaninyɛ mu. Ɛno nti sɛ wɔangoro ɔbaa bi bra a wɔyɛ no kyiribra a ɛnyɛ sɛ wɔyɛ de twe wɔn aso nko ara na mmom sɛ wɔabu honhom mu mmara so, ɔde animguaseɛ abrɛ n'awofoɔ ne mantam a ɔte.[3][4]
Kyiribra Ho Amanneɛ
[sesa]Wɔ Akanman mu no, ɔbaa a wɔangoro no bra na ɔnyinsɛn no,Ɔbaahemaa a ɔwɔ kuro no mu hɔ no ka saa ɔbaa no anim ma no hunu sɛ adeɛ a wayɛ no yɛ akyiwadeɛ koraa.[5]
Ɛno akyire yi no, wɔyɛ amanneɛ a ano yɛ den ma no sɛdeɛ ɛbɛyɛ a ne ho bɛte. Saa amanneɛ yi bi ne sɛ; wɔbɛyi saa ɔbaa no tiri ho nyinaa, na wɔatwe no akɔ kurotia na wɔatwa odwan de apete ne ho nyinaa na wɔwie a wɔatwa no asu afiri saa kuro no mu.
Kyiribra Ho Mfasoɔ
[sesa]- Ɛma mmaa yɛ ahwɛyie sɛdeɛ ɛbɛyɛ a wɔnkɔnyinsɛn.
- Ɛda Akanfoɔ gyidie adi.
- Ɛma Abusua yɛ wɔn asɛdeɛ sɛ wɔbɛtete wɔn mma yie.
Beaeɛ A Menyaa Mmoa Firiiɛ
[sesa]- ↑ Akyiwadeɛ binom a akanfoɔ wɔ fa apemfoɔ ho (in American English), retrieved 2025-07-23
- ↑ RITA BOAKYE (2024-03-20), KYIRIBRA, retrieved 2025-07-23
- ↑ AWS Marketplace: Kyriba: Your Liquidity Performance Platform, retrieved 2025-07-23
- ↑ Peter Sarpong (1977), Girls' nubility rites in Ashanti, Ghana Pub. Corp., retrieved 2025-07-23
- ↑ TV3 Ghana (2021-07-26), [Week 2]GMB 2021:Bono East region's Nana talks about the Akan traditional rite 'Kyiribra', retrieved 2025-07-23