Kuna-Wareɛ

Wɔatwerɛ nsɛm wei ɛwɔ Asante kasa mu

Kuna-wareɛ yɛ sɛ ɔbarima bi a wawu diadefoɔ ware ne owufoɔ no yere a ɔgyaa no akyire.

Sɛ ɔbarima bi ka baabi a, afe baako akyi a ne yere awie kuma yɛ no,  ɔdiadefoɔ no tumi ware ne yere anaasɛ, ɔfa no kunabaa. Owufoɔ no asɛdeɛ a ɔyɛ ma ne yere ne ne mma nyinaa bɛyɛ ɔdiadefoɔ yi asɛdeɛ.

Yei boa ma awarefoɔ yi kora owufoɔ no agyapadeɛ, ɛma wɔtumi toa dwuma bi a owufoɔ no hyɛɛ aseɛ so, afei sɛ ɔdiadefoɔ no ani wɔ fam a, mma a owufoɔ no gyaa wɔn akyire no mmɔ asesa.

Saa awareɛ yi nyɛ nhyɛ mma awarefoɛ no mu biara. Ɔbarima no pɛ a, ɔbɛtumi aka sɛ ɔrema no kwan ma wakɔware foforɔ; ɔpɛ nso a, ɔbɛtumi a aka sɛ mma ɔnware na ɔno ankasa bɛhwɛ no. Ɔbaa no nso pɛ a, ɔbɛtumi aka sɛ ne kunu a wawu no abusuafoɔ nnyae no ma ɔnkɔ.Mpɛn pii no, ɛkɔba no saa a, wcsusu sɛ ɔbaa korɔ no anya ɔbbarima bi a ɔpɛ sɛ ɔware no.