Kasammrani

Wɔatwerɛ nsɛm wei ɛwɔ Asante kasa mu

Kasamrani yɛ kasa a yɛakata so na ɛmu nteaseɛ no nso sene sɛdeɛ yɛka no no. Yɛtaa hyia wei wɔ berɛ a yɛrekasa na nsɛmfua bi a ɛwɔ mu no yɛ ammodin na enti yɛntumi mmɔ din dwe.

Nsonsonoeɛ a ɛda kasammrani ne kasakoa ntam

Ԑyε a ebinom taa de kasammrani yɛ kasakoa nanso nsonsonoeɛ da mu. Yɛde kasammrani kyerɛ biribi a εyε tan anaa adeɛ a ɛho nteɛ anaa biribi a wobↄ din pen a, obi a ↄwↄ hↄ no se bεfem anaa ne ho bεtumi adwiri no. Nsεm a yεde kasammrani ka no bi ne kyima, owuo, kɛtɛ mu nsɛm, agyanan, nnipadua akwaa bi ne nyinsɛn

Akanfoↄ susu sε, sε obi nyinsεn a, εsε sε yεde sie na εbↄ ↄne abↄfra no ho ban kↄsi sε ↄbεwo. Anyε saa na obi wↄ anibↄne a, ↄbεtumi de aha ↄpemfoↄ no. Nsεm a εsε sε yεka bra ani no, sε obi ka no pen a, yεhunu sε waka kasafi anaa kasaburu, n’ano nteeε na ↄnnim amammerε nso. Wei nti, ɛwɔ sɛ wobra ani sɛdeɛ ɛbɛyɛ a kasa no bɛyɛ akɔnnɔ na ayɛ dɛ, na afei nso atiefoɔ ahunu sɛ woadare wɔ ɔkasa no mu. Mmom hyε no nso sε, kasammrani hyε kasakoa mu.

Nhwɛsoɔ

a. Ɔrekɔgya ne nan.

b. Wayε bra.

c. Ɔne no adi mpasoagorɔ.

d. Wafa afuro.

e. Bεtekaw bi de n’ano atim ne ammodin ho.