Hye Won Hye

Wɔatwerɛ nsɛm wei ɛwɔ Asante kasa mu

hye won hye

Adinkra symbol

part of	Adinkra Ahyɛnsodeɛ
title	hye won hye

 

 From Wikidata

Hye won hye ahyɛnsodeɛ no yɛ Adinkra ahyɛnsodeɛ a agye din wɔ Ghana no mu baako. Nsɛnkuo no ase kyerɛ sɛ ''adeɛ a ɛnhye''. Nti, nsɛnkyerɛnne no yɛ adeɛ bi a ɛgyina hɔ ma animia, nkoden ne nsiyɛ.

Abakɔsɛm

abakɔsɛm kyerɛ sɛ tee akɔmfoɔ a na wɔnante gya so no ɛna yɛnam wɔn so nyaa saa ahyɛnsodeɛ anaa nsɛnkyerɛnne yi. Na akɔmfoɔ yi yɛ saa de kyerɛ wɔn tumi san nso de kyerɛ sɛ, akansie biara a ɛbɛba wɔn akwan mu no, wɔbɛtumi abunkam afa so

Ɛboro nnipa nteaseɛ so sɛ obi bɛtumi anante gya so wɔ berɛ a ɔmpira, nanso yei yɛ kwan a na abibirem akɔmfoɔ fa so kyerɛ wɔn tumi. Ɛnnɛ yi mpo, wɔda so yɛ a wɔn ho baabiara nte kyema.

Deɛ ɛgyina hɔ ma

Sɛ wɔde saa ahyɛnsodeɛ yi di dwuma wɔ baabi a,  deɛ wɔrepɛ akyerɛ ne sɛ, wɔrehyɛ afoforɔ nkuran ma wɔde animia abɔ bra. Sɛ onipa tumi nante gya so na ɔrempira dea, ɛnneɛ na biribiara nni hɔ a sɛ onipa bɔ ne tirim pɔ sɛ ɔbɛyɛ a ɔrentuni nyɛ. Yei yɛ ɛkwan a nkorɔfoɔ fa so de saa ahyɛnsodeɛ yi yɛ nkuranhyɛ.

Dwumadie

Sɛdeɛ adinkra ahyɛnsodeɛ nkaeɛ no nyinaa teɛ no, saa ara nso yei teɛ. Ɛrekame ayɛ sɛ ɛdi dwuma wɔ baabiara. Sɛ ebia, adan ho, ntaaseɛ mu, ahyeampoma so, nnwumakuo ne sukuu binom ahyɛnsodeɛ mu ne deɛ ɛkeka nso. Adwumfoɔ nni ho agorɔ koraa Adwinnie a wɔde yɛ no bi boɔ yɛ den ankasa. Ebi koraa tumi yɛ $ 104.99 Ɛnam abakɔsɛm a ɛbata ho nti, ɛbinom frɛ no ''Mansa Musa Ahyɛnsodeɛ''. Mansa Musa yɛ onipa bi a, wagye din wɔ abibifoɔ abakɔsɛm mu yie pa ara. Na ɔyɛ obi a ne ho yɛ hu, na ɔyɛ kokodurufoɔ. Nti wɔde ne din to ahyɛnsodeɛ bi so a, ɛsɛ fata.