Gyamadudu Museum

Wɔatwerɛ nsɛm wei ɛwɔ Asante kasa mu

Gyamadudu Museum yɛ amammerɛ adeɛ a wɔahyɛda ayɛ a ɛwɔ Asante mantam mu,ne titire Kumase,Ghana. Wɔasi saa dan yi de rekyerɛ Asante amammerɛ ne abakɔsɛm ne ɔman Ghana abakɔsɛm nso.Sɛ wokɔ dan yi mu a, wobɛhunu nneɛma binom te sɛ tetesɛm a ɛfa amammerɛ afadeɛ ho, tete nneɛma a wɔde wɔn nsa anwene, mfoni ahodoɔ a ɛfa atetesɛm ho ne ɛnnɛ mmerɛ yi mfoniyɛ a ɛkyerɛ ɔman Ghana mfoni adwuma ne amammerɛ. Ɛyɛ dan wɔasi de rekyerɛ Asante abakɔsɛm,wɔn amammerɛ ne wɔn ahennie kɛseyɛ.

Saa beaeɛ yi da nnipa titire binom adi, ɛbi te sɛ Asante nhemfo ne ahemaa, a Opemsuo Otumfuor Osei Tutu II ne Nana Yaa Asantewaa ne abibirem nnipa atitire a wɔadi aman ahodoɔ so bi te sɛ Kwame Nkrumah,Nelson Mandela ne Haile Salassie adi. Ɛsan kyerɛ wɔn a wɔko peree fawohodie maa yɛn ne Adinkra ahyɛnsodeɛ ahodoɔ, Kentenwene ne deɛ ɛkeka ho nyinaa.

Ne Dwumadie

Adeɛ titire baako paa a wɔde sii saa beaeɛ ne sɛ, mpaninfoɔ,mmɔfra,nkyirimma,ahɔhoɔ a wɔfiri aman ahodoɔ so bɛkɔ hɔ akɔhunu atetesɛm na wɔasua adeɛ anya nhunumu wɔ nneɛma binom a ɛsii tete berɛ no mu hɔ. Saa beaeɛ yi yɛ adwuma firi dwoada de kɔsi fiada, anɔpa nnɔnkron kɔsi anwummerɛ nnɔnnan.

Ne Farebaeɛ

Saa museum yi yɛ Nana Apau Wiafe Ababio Sanwoansan a ɔyɛ Hemanhene anisoadehunu sɛ ɔbɛyɛ biribi a ɛte sei wɔ Kumase. Na mpaninfoɔ nso gye too mu a wɔhyɛɛ aseɛ afe 2020 na wɔwiee afe 2023 mu. Faako a saa beaeɛ yi wɔ no gye asase bɛyɛ eka du(10acres) a ɛwɔ adan ahodoɔ nkron a wɔde kyerɛ amammerɛ ne nneɛma a ahodoɔ a wɔawene. Afei beaeɛ yi wɔ dan kɛseɛ a wɔde yɛ kuro nhyiamudie.Na nsutene bi nso da hɔ a wɔfrɛ no Anyinasu.