Gwendoline Konie
Gwendoline Noreen Chomba Konie (9 Ahinime 1938 – 14 Ɔpɛpɔn 2009) yɛ Zambia anwensɛm kyerɛwfoɔ, ɔman nanmusifoɔ ne amammuifoɔ. Na ɔyɛ Zambia ɔnanmusifo wɔ Scandinavia, Amanaman Nkabom ne Germany. Ɔhyehyɛɛ n’ankasa kuw wɔ afe 2000 mu na ogyinaa hɔ sɛ obi a ɔpɛ sɛ ɔyɛ Zambia Ɔmampanyin wɔ afe 2001. Bere a owui no wɔmaa no ɔman ayi.
Abrabɔ
[sesa]Wɔwoo Konie wɔ 1938 mu wɔ Lusaka wɔ baabi a saa bere no na wɔfrɛ no Northern Rhodesia na mprempren ɛyɛ Zambia. Ɔsuaa adeɛ wɔ Cardiff Suapɔn a ɛwɔ Cardiff, Wales ne Amerika Suapɔn a ɛwɔ Washington, D.C., United States.[1] Ɔnyaa oduruyɛfoɔ abodin krataa wɔ asetena ho adesua mu wɔ Warwick Suapɔn mu.[2]
Wɔ 1962 mu no, Owura Evelyn Dennison Hone, Northern Rhodesia Amrado Panyin no paw no sɛ ɔmmɛyɛ ne man Mmarahyɛ Bagua no muni. Ɔkɔɔ Kenneth Kaunda nkyɛn ansa na ɔregye atom.[3] Afei ɔtetee ne ho maa Amannɔne Dwumadibea na ɔsɔre bɛyɛɛ Zambia Ɔnanmusifo ne Tumidifo wɔ Sweden, Denmark, Norway ne Finland fi 1974 kosi 1977. Efi 1977 no na ɔyɛ ɔman no Daa Anamusini wɔ Amanaman Nkabom no mu. Wɔ afe 1979 mu no ɔbɛyɛɛ Zambia Nsrahwɛ Dwumadibea no Ɔkyerɛwfo Daa.[3] Kenneth Kaunda hweree tumi akyi no, Ɔmampanyin Frederick Chiluba kuraa no sɛ ɔmanpanyin kosii afe 1997. Na ɔyɛ Zambia Ɔnanmusifo wɔ Germany.[4]
Wɔ afe 2001 mu no, na ɔyɛ obi a ɔpɛ sɛ ɔyɛ Zambia amansan abatow a wɔyɛe wɔ afe 2001 mu, sɛ ɔbɛyɛ Zambia Ɔmampanyin. Ɔgyinaa Social Democratic Party a ɔhyehyɛɛ no wɔ Oforisuo 2000 mu sɛ ɔde n’adwene besi nsɛm a ɛho hia mmaa ne mmofra so.[4][5] Wɔtow aba ɔpepem biako maa nnipa dumien a wɔpɛ sɛ wɔpaw wɔn wɔ abatow no mu. Na wɔn a wɔpɛ sɛ wɔpaw wɔn no mu baanu yɛ mmea. Konie nyaa abatoɔ bɛboro 10,000 na wɔpaw Levy Mwanawasa.[2]
Na Konie nso yɛ anwensɛm kyerɛwfo. wɔde n'anwensɛm "In the Fist of your Hatred" kaa The Penguin Book of Modern African Poetry ho wɔ afe 2007. Anwensɛm no yɛ akyinnyegye a ɛtia mmarima ahantan.[6]
Owui wɔ MKP Trust Ayaresabea a ɛwɔ Lusaka wɔ afe 2009 mu na wɔyɛɛ no ɔman ayi.[7] Ɔmanpanyin Rupiah Banda kaa sɛ ɛyɛ da a Zambia bɛdi ne wuo ho awerɛhoɔ na Kenneth Kaunda hyɛɛ ne ho a ɔde hyɛɛ Zambia a wɔhyehyɛɛ no mu wɔ ahofadie a wɔnya firi Britain akyi no nsow.[8]
Ntotoho
[sesa]- ↑ Karen L. Kinnear (22 July 2011). Women in Developing Countries: A Reference Handbook: A Reference Handbook. ABC-CLIO. p. 159. ISBN 978-1-59884-426-9.
- 1 2 Gwendoline Chomba Konie – Zambia, GenderLinks.org.za
- ↑ Robin Morgan (1984). Sisterhood is Global: The International Women's Movement Anthology. Feminist Press at CUNY. pp. 742–744. ISBN 978-1-55861-160-3.
- 1 2 Party led by woman a first for Zambia, 28 August 2000, iol.co.za, Retrieved 2 February 2016
- ↑ Adrian Karatnycky (June 2001). Freedom in the World: The Annual Survey of Political Rights and Civil Liberties, 2000-2001. Transaction Publishers. p. 594. ISBN 978-0-7658-0101-2.
- ↑ Gerald Moore (30 August 2007). The Penguin Book of Modern African Poetry. Penguin Books Limited. p. 399. ISBN 978-0-14-191290-5.
- ↑ Gwendoline Konie Dies, 15 March 2009, Lusaka Times, Retrieved 2 February 2016
- ↑ Reflecting on Gwendoline Konie's life, Kenneth Kaunda, March 2009, Retrieved 2 February 2016