Funtumfunefu Denkyemfunefu

Nkyerɛase ne Nyansapɛ mu mfasode a yɛnya firi funtumfunefu ne Dɛnkyɛmfunefu mu

Funtumfunefu ne Dɛnkyɛmfunefu gyina hɔ ma nneyɛe bi a yɛtaa hu no wɔ anansesɛm mu. Na egyina hɔ ma adɛnkyɛm baanu bi a wɔn yafunu bɔ mu nanso wɔn ti yɛ abien. Yɛbɛtumi aka sɛ wɔyɛ ntaa a wɔbom biako. Saa ahyɛnsode yi gyina hɔ ma nkabomde wɔ akwan ahorow pii so. Ahyɛnsode yi san gyina hɔ ma hyɛbrɛ biaako, ɛne sɛ, wonya biribi a wone  wo nua bɛkyɛ. Funtumfunefu ne Dɛnkyɛmfunefu yɛ abɛbuo bi a wonyaa ahyɛnsode yi firi mu. Ase Kyerɛ ne sɛ, saa adɛnkyɛm baanu yi a wɔn  yafunu bom nanso ɛsono obiara ti nko no, sɛ wonya biribi a wɔfom efisɛ mpanyin se ''aduane ne dɛw  no wɔte no menetwitwiw mu''.

Nea Ɛfa Wɔn Din ne N'akyerɛw ho.

Wallies frɛɛ saa ahyɛnsode yi Funtumfunefu-Dɛnkyɛmfunefu.

Ratray nso frɛɛ no Funtumfrafu-Dɛnkyɛmfrafu. Eyi no ɔhwɛɛ abɛbuo nkyerɛase a ɛwɔ edin no mu na ɔdefrɛ no saa. Mprenpren de yɛnnya nhunuu beae pɔtee a saa edin nkyerɛwee yi fi bae na mmom nea odii kan kyerew din yi yɛ Madonald Esien sɛ,  eyi ne nkyerɛwee a edi kan bae na ahyitaw baabiara no nti ɛno na wɔagye ato mu, sɛnea ɛbɛyɛ a nnipa dodow no ara rehwehwɛ a wɔbɛhunu.