Fihankra

Wɔatwerɛ nsɛm wei ɛwɔ Asante kasa mu

Fihankra

Fihankra yɛ Adinkra ahyɛnsodeɛ no mu baako. Ɛyɛ ahyɛnsodeɛ a Akanfoɔ a wɔwɔ Ghana na wɔtaa de di dwuma pa ara. Ɛyɛ nsɛnkyerɛnne anaa ahyɛnsodeɛ a ɛgyina hɔ ma bammɔ. Ɛma yɛhunu hia a ɛho hia sɛ yɛboaboa yɛn ho. Ɛma yɛhunu sɛ, sɛ nnipakuo bi ho bɛtɔ wɔn anaa wɔn asom bɛdwo wɔn a, koryɛ di mu akotene. Akanfoɔ ka fihankra a, wɔrepɛ akyerɛ biribi te sɛ fihyia. Ɛno na kwan a na Akanfoɔ fa so si wɔn abusuafie. Ɛyɛ efie bi a, obi te mu a, ɔwɔ ahotɔsoɔ nti, ɔnsuro ɛsiane sɛ obiara bɔ ne yɔnko ho ban.

Asɛmfua ''Fihankra'' Abɔseɛ

Yɛnyaa asɛmfua "fihankra" firii nsɛmfua mmienu mu: ''fie'' ne ''hankra''. Ɛkyerɛ fie bi a wɔasi no te sɛ hankra anaa fie a wɔasi ahyia. Ɛnnɛ yi, Ghana ha, afiafie pii wɔ hɔ a, wɔasisi no saa. Dodoɔ no ara taa yɛ abusuafie.

Ne Dwumadie wɔ Akan Amammerɛ mu

Woba Akanfoɔ mu a, abusuafoɔ taa tena bom. Yei yɛ adeɛ a wɔntumi nyi mfiri amammerɛ mu. mong the Akans, communal living is the norm. Abateteɛ mpo yɛ kuromu no nyinaa asɛdeɛ. Nyɛ abɔfra no awofoɔ nko. Yei kyerɛ kwan a Akanfoɔ fa so bɔ wɔn bra.

Ne Dwumadie wɔ Abɛɛfo Berɛ yi

Saa nsɛnkyerɛnne yi di dwuma wɔ ntaadeɛ ne adwinnie ahodoɔ. Nnwumakuo ne asoɛeɛ ahodoɔ pii de de dwuma wɔ wɔn ahyɛnsodeɛ ahodoɔ nso mu. Ghana nsiakyibaa adwumakuo bi a wɔfrɛ wɔn Donewell Insurance de saa nsɛnkyerɛnne yi di dwuma wɔ wɔn ahyɛnsodeɛ mu. Wɔde yei rekyerɛ bammɔ a wɔde bɔ wɔn a wɔne wɔn di nsawɔsoɔ. Nti, fihankra kyerɛ nkabom a ɛwɔ nnipakuo bi ntam ne bammɔ a wɔde bɔ wɔn ho wɔn ho.