Edinnsiananmu

Wɔatwerɛ nsɛm wei ɛwɔ Asante kasa mu

Edinnsiananmu yɛ asɛnsini bi a yɛtumi de si edin anan mu wɔ ɔkasamu bi mu na ɛtumi di dwuma a edin di no nyinaa bi. Nsonsoneɛ titire a ɛda edin ne edinnsiananmu ntam ne sɛ, edin tumi nya nkyerɛkyerɛmu anaa nsɛm bi bata ho a ɛkyerɛkyerɛ mu, nanso edinnsiananmu deɛ ɛnte saa, berɛ biara ɛno nko ara na ɛnam.

Edinnsiananmu Ahodoɔ

Edinnsiananmu a ɛwɔ Akan kasa mu na ɛdidi soɔ yi;

Nnipa ho Edinnsiananmu(Personal Pronoun)

Yei wɔ nkyekyɛmu titire mmienu;

• Yɛwɔ deɛ ɛyɛ ɔyɛfoɔ adwuma
• Yɛwɔ deɛ ɛyɛ ɔdedeɛ adwuma.

Edinnsiananmu a ɛtaa gyina hɔ yɛ ɔyɛfoɔ adwuma wɔ ɔkasamu mu ne;

Baako kabea / Dodoɔ kabea

Me Yɛn

Wo Mo

Ɔno Wɔn

Ɛno Ɛnonom

Edinnsiananmu a ɛyɛ ɔdedeɛ no te sɛ deɛ ɛyɛ ɔyɛfoɔ no ara na mmom (ɛno) anaa (ɔno) nko ara na ɛsesa bɛyɛ (ne).

Baako kabea / Dodoɔ kabea

Me Yɛn

Wo Mo

Ne Wɔn

Nsɛmmisa Dinnsiananmu(Interrogative Pronoun)

Yei yɛ edinnsiananmu a yɛde bisa asɛm nko ara. Nhwɛsoɔ;

• Hwan na ɔrekɔ no?
• Ɛhefoɔ na ɛbaa ha no?
• Ɛdeɛn na ɛda hɔ no?
• Ɛhe na wode sika no tooeɛ.
• Ɛhefa na mpaboa no gu?

Deɛ ɛnkyerɛ adeɛ pɔtee bi(Impersonal Pronoun)

Yei yɛ edinnsiananmu a ɛnyina hɔ ma obi pɔtee. Yeinom ne,wɔn,yɛ. Nhwɛsoɔ;

• Yɛaku obi da baabi
• Wɔabo no apira no.

Deɛ ɛka biribi fa edin ho(Relative Pronoun)

Saa dinsiannanmu yi kyerɛ edin bi mu. Deɛ wɔtaa de hyɛ no nso ne "a". Nhwɛsoɔ;

• Papa no a ɔbaa ha no awu.
• Ɔkraman no a ɔfaa ɛnam no na ɔrekɔ no.

Deɛ yɛde hyɛ asɛm bi mu kena(Emphatic Pronoun)

Yeinom ne "me, ɔno anaa wo". Nhwɛsoɔ;

• Me na mefaeɛ.
• Ɔno na ɔdii aduane no.
• Wo na wokaa asɛm no.