Constance Swaniker

Wɔatwerɛ nsɛm wei ɛwɔ Asante kasa mu

Constance Swaniker

nnipa

bɔbeasu	female
ɔman a ofiri mu	Ghana
din a wɔde ama no	Constance
da a wɔwoo no	1973
beae a wɔwoo no	Nkran
languages spoken, written or signed	Brɔfo, Twi
n'adwuma	musician, sculptor, entrepreneur
field of work	art of sculpture
educated at	University of Ghana
work location	Ghana
member of	SOS Children's Villages, Skills Development Fund Corporation
abasobɔde a wonyae	Africa's Most Influential Women in Leadership and Governance, Woman of Excellence Awards
personal pronoun	L484

Constance Elizabeth Swaniker (yɛwoo no Ɔsanaa, 30, 1973) ɔyɛ Ghanani odwumtoni, ɔkyerɛkyerɛni, ne adwumayɛni. Ɔno na ɔhyehyɛɛ Accent & Arts, ɔyɛ kwankyerɛfoɔ panin na ɔsane nso hyehyɛɛ Design and Technical Institute (DTI) wɔ Nkran

Mfitiaseɛ asetena ne nnwomasua

Wɔwoo Swaniker wɔ Ɔsanaa bosome ne da a ɛtɔso aduasa (30) 1973 wɔ Accra, Ghana. Ɔkɔɔ ne mfitiaseɛ nnwomasua sukuu no fa bi wɔ Botswana, Zimbabwe, ne The Gambia . Akyire no ɔkɔɔ Accra Academy kɔyɛɛ ntoasoɔ sukuu, faako a ɔnyaa ne A-Level adansedie krataa wɔ afe 1993 . Ne ntoasoɔ sukuu akyi no, ɔde ne din kɔhyɛɛ Kwame Nkrumah Universitty of Science and Technology mu sɛ ɔrekɔyɛ Bachelor of Arts Degree wɔ Sculpture mu, na ɛno akyi no ɔwiee sukuu wɔ afe 1999.

Adwuma

Berɛ a na ɔwɔ suapɔn no mu no, Swaniker yɛɛ adwuma sɛ obi a ɔsuaa duadwumfo adwuma titire wɔ Art Deco Ltd. Bosome nsia akyi a ɔwiee Kwame Nkrumah University of Science and Technology, ɔhyehyɛɛ Accents & Art Ltd Ghana adwumakuo bi a wɔde dadeɛ na ɛyɛ, poma ne ahwehwɛ yɛ adwinni ho nnoɔma, na wɔde Design and Technology Institute (DTI) nso ka ho.

Ɛnam ayɔnkofa a wɔne suapɔn ahodoɔ te sɛ Kwame Nkrumah University of Science and Technology, Ashesi Suapɔn, Takoradi Technical Suapɔn, ne Ho Technical Suapɔn, Accent & Arts atumi de adwumayɛ ho nteteeɛ ne apam mu adesua ama mmabunu bɛboro 600 firi afe 2009.

Wɔ Oforisuo 2016 mu no, Swaniker hyehyɛɛ na ɔbɛyɛɛ Design and Technical Institute (DTI) no adwumayɛfoɔ panin, adesua asoɔeɛ a wɔayɛ sɛ wɔde bɛsi nsonsonoeɛ a ɛda adesua ne nnwuma ntam no ano. Ne dae ne sɛ ɔde n’asɛm no bɛdi dwuma de ahyɛ mmaa pii nkuran ma wɔakɔ ɔfrɛ ahodoɔ a wɔtaa de asi hɔ ama mmarima no mu.

Nnwuma

Wɔde Swaniker adwuma no akyerɛ wɔ ɔyɛkyerɛ ahodoɔ pii mu wɔ Ghana ne aman foforɔ. Nea ɛka ho ne deɛ di kan a ɔde kyerɛɛ no; Passage of Discovery, a wɔyɛɛ wɔ Alliance of Artists Gallery no. Dwumadie no firi ase wɔ Ayɛwohomumɔ bosome ne da a ɛtɔso 22 kɔsi Kitawonsa bosome ne da ɛtɔso 6, 2011. Wɔde n’adwuma nso kyerɛɛ wɔ Juxtaposed, Light & Darkness ɔyɛkyerɛ a wɔyɛɛ no Nike Arts and Cultural Center adan mu wɔ Nigeria firi Obubuo bosome ne da a ɛtɔso 5 de kɔsi Obubuo bosome ne da a ɛtɔso 14, 2011. Wɔ Ɔbɛnem 2015 mu no, wɔde ne nnwuma kyerɛɛ wɔ UNESCO adwumayɛbea ti wɔ Paris.

Abasobɔdeɛ

Wɔagye Swaniker nnwuma atom wɔ mpatam hɔ ne amanaman ntɛm. Wɔ afe 2010 mu no, na ɔnyaa The Network Journal Africa 40 under 40 Achievement abasobɔdeɛ. Saa afe no ara mu no, SME Innovation Abasobodeɛ nhyehyeɛ no gyee no toom sɛ ɔyɛ adwumayɛni a ɔsen obiara. Wɔ afe 2013 mu no ɔmaa no LISCO Be Your Dream Award, ne Metal Product of the Year Award. Saa afe no ara mu no na ɔyɛɛ mantam ɔman nkonimdifoɔ wɔ Africa's Most Influential Women in Leadership and Governance abasobɔdeɛ mu. Wɔ afe 2014 mu no, n’adwumakuo, Accent and Arts na ɛyɛɛ ɔman ne mantam nkonimdifoɔ wɔ Metal fabrication dwumakuo abasobɔdeɛ wɔ saa afe no mu. Wɔ afe 2017 mu no na ɔnyaa Africa's Most Influential Women in Business and Government, ne Woman of Excellence, wɔ Ghana nnwumakuo abasobɔdeɛ no mu. Ɔnyaa Ghana Manufacturing abasobɔdeɛ foforɔ wɔ afe 2018 mu.

N'asetena mu nsɛm

Constance Swaniker yɛ ɛna a wahyira ne ho so a ɔwɔ mma mmienu (2).