Cecilia Marfo

Wɔatwerɛ nsɛm wei ɛwɔ Asante kasa mu

Cecilia Marfo yɛ Ghana nwontoni a ɔto Onyankopɔn ho nwom.Ɔsan yɛ ɔdiifoɔ ne ɔsɛmpakani a ɔwɔ nne soronko a ɔde to ayeyie dwom.Wayɛ Awurade adwuma bɛboro mfeɛ aduasa, a ɔhyɛɛ aseɛ too nwom firii ne mmɔfra ase wɔ asɔredan mu.

Ne Ho Asɛm

• Wɔwoo no Obubuo bosome ɛda a ɛtɔ so du wɔ Kumase-Bompata, Asafo Fante Newtown.
• Waware a ne kunu ne Mr. Clement Kofi Yeboah Adupedie a wɔwɔ mma mmiɛnsa (mmaa mmienu, ɔbarima baako).
• Ɔsan wɔ asɔredan wɔ Tema a ɔde yɛ Awurade adwuma. Wato no din sɛ "Osoreɛ Fie Worship Centre".

Ne Nwontoɔ Adwuma

• Ɛyɛ nwontoni Esther Smith na ɔhunuu no wɔ asɔre berɛ a na ɔreto nwom, ɛna ɔdii ne ho adanseɛ kyerɛɛ "Cebex Music Production" ma wɔtete no wɔ nwontoɔ mu.
• Ɔde nwom apaawa bɛyɛ dummienu na aba abɔnten. Na ne nwom "Afunumu ba ne Mammerɛ Angu" na ɛyii no pueeɛ.

Ne Nwom Ahodoɔ

• Afunuma Ba
• Di Kan
• Ɔko no
• Mammerɛ angu
• Meda Wase
• Yɔnko Nokwafoɔ
• Wobɛsere
• Onyame Kanea

Abaso Bɔ

Wagye abaso bɔ beberee a ɛbi ne:

• Gospel Song of the Year
• Gospel Album of the Year
• Songwriter of the Year
• Female Vocalist of the Year.
• Wagye abaso bɔ a ɛfiri Vodafone hɔ ne African Gospel Awards.