Asesɛsɛm(Simile)

Wɔatwerɛ nsɛm wei ɛwɔ Asante kasa mu

Asesɛsɛmanaa Ntotohosɛm yɛ Simile wɔ Brofo kasa mu yɛ kasasu a yɛde nnoↄma mmienu a ɛnni twaka retoto ho. Sɛ ebia yɛde A reto B ho. Obi bɛka sɛ ɛyɛ nyinahɔmma nanso ɛnte saa, nsonsonoeɛ ne sɛ, ɛwɔ nnyinahɔma mu no A wɔ B su no nyinaa bi, nanso asesɛsɛm mu deɛ, ɛtumi ba sɛ A wɔ B su no baako pɛ. Yɛtaa de nsɛm bi te sɛ gyenegyene, kyɛn, sene, te sɛ, sɛ, na ɛhyɛ nnoↄma mmienu no mfimfini de hyɛ no nso. Yɛhyia ntotohosɛm wɔ Akanfoɔ apae, ayan, nsuiɛ ne nnwom ahodoɔ mu. Kasadwini mu animdefoɔ kyerɛ mu sɛ ntotohosɛm yɛ nnyinahɔma tenten.

Nhwɛsoɔ

a. Mmerewa no si hↄ bosoo te sε abosom a wↄ

b. Ababaawa no ano ate sε awidie.

c. N’anom ato ma aduane da ne tεkrεma so a, εte sε dↄteε.