Asɔba Agorɔ

Asɔba yɛ mmaayewa agorɔ a mmarima ntumi nni bie. Ɛyɛ agorɔ bi a sɛ wɔrebɛfiri aseɛ a, wɔtwa kanko-fa anaa kanko na ɛtumi ba sɛ wↄn nyinaa nso sa so ma ɔbaako gyina wɔn mfimfini ma wɔto dwom ma deɛ ɔgyina mu no na wɔdi no anwummerɛ berɛ a ɛhyɛn adwa.

Wɔdi saa agorɔ yi a, wɔto nnwom. Berɛ a wɔreto nnwom yi nyinaa na wɔrebɔ wɔn nsam na wɔrehuri kɔtɔ kankofa a mmaa no bi atwa no so. Sɛ ɛba no saa a ɔhuri ne ho to wɔn nsa so pɛ na wɔasan ahuri no.