Aporɔporɔ
- Wɔatwerɛ nsɛm wei ɛwɔ Asante kasa mu
| subclass of | dermatophytosis, foot diseases, skin disease, Nyarewa  |
|---|---|
| health specialty | infectious diseases |
| anatomical location | zone of skin |
| ICD-9-CM | 110.4 |
| ICPC 2 ID | S74 |
Apoprɔporɔ a borɔfo kasa mu, yɛfrɛ no Athlete's foot, na ɛba ayarehwɛ mu nso a yɛfrɛ no tinea pedis no yɛ honam ani yadeɛ a ɛnyɛ na koraa. Mmoawa nketenkete bi a yɛmfa yɛn ani nhunu wɔn a abɔdeɛ mu nyansapɛfoɔ frɛ wɔn fungi na wɔde aporoporɔ ba[1]. Baabi a aporɔporɔ taa yɛ pa ara ne nnansoa no ntam anaa yɛn nansoa no ase. Sɛ obi nya bi a, beaeɛ a ɛwɔ no, sɛ ebia, ne nanntam hɔ keka no pa ara. Ɛhɔ tumi hyehye no, na afei nso ɛhɔ taa yɛ kɔkɔɔ.[2] Bio, ebinom wɔ hɔ a wɔnya aporɔporɔ a baabi a ɛwɔ no bobolɔ mponmpongya.[3] Nyɛ nipa nan ntam nko ara na aporɔporɔ yɛ. Ɛtumi nso yɛ ɛnan no fa baabiara. Mmom, ɛyɛ a ɛyɛ yɛn nan ntam no na dɔɔso.[2] Baabi foforɔ nso a ɛtaa yɛ hɔ pa ara ne ɛnan no ase, baabi a ɛhɔ nyɛ den no.[3] Saa yadeɛ yi ara nso tumi yɛ yɛn nsa ntam ne yɛn mmɔwerɛ mu.[4] Ɛyɛ nyarewa a wɔato wɔn din sɛ tinea no mu baako.[5]
Nsɛnkyerɛnne
[sesa]
Aporɔporɔ gu ahodoɔ nnan. Yɛwɔ deɛ ayɛ ne ho sɛ koankorɔ(chronic interdigital), yɛwɔ deɛ yɛfrɛ no plantar anaa moccasin foot , yɛwɔ deɛ yɛfrɛ no acute ulcerative, ɛna afei, vesiculobullous."Interdigital" no yɛ ɛkwan a ɛda yɛn nansoɔ de rekɔ yɛn nan ase no."Plantar" nso yɛ yɛn nan ase no fa a no fa baabi. Saa beaeɛ yi nyinaa aprɔprɔ tumi yɛ hɔ. Sɛ yɛka sɛ Maceration a, yɛrepɛ akyerɛ tebea bi a obi wɔ mu a, na kyerɛ sɛ ne honam no fa baabi ayɛ mmerɛ a nsuo mpo tumi firi hɔ ba. Sɛ mponmponya bobɔ obi a yei tumi si.
Apoporɔporɔ ahodoɔ nnan yi mu deɛ ɛnyɛ na ne deɛ ɛyɛ honam a ɛwɔ yun nannsoa no ne yɛn nan ase ntam no. Mpɛn pii no, ɛyɛ a yei tae didi ara ba yɛn nannsoɔ no ntam. Anwanwasɛm baako nso no sɛ, nyɛ daa nyinaa na sɛ obi nya aporɔporɔ a ɛkeka no. Ahodoɔ nan a yɛaka yi nyinaa bɛtumi Akeka. Ɛbi wɔ hɔ nso a, ɛnkeka.
Deɛ Ɛde Ba
[sesa]Aporɔporɔ yɛ yareɛ mmoa dermatophytes a wɔma honam ani yadeɛ no mu bi na wɔde ba. Nhwehwɛmu ma.yɛhunu sɛ, saa mmaoawa nketenkete a wɔma aporɔporɔ yi yɛ anthropophilic. kyerɛ sɛ, wɔyɛ antɔborɔ a, wɔn deɛ nipaa honam ani ne beaeɛ a wɔdidi [6][7][8]
Kwan A Ɛfa So San
[sesa]UK's National Health Service akyerɛ mu ama yɛahunu sɛ, aporɔporɔ yɛ nsanyadeɛ a, sɛ obi wɔ bi a ɛnyɛ den koraa sɛ ɛbɛnam ne so ama ɔfoforɔ nso anya bi.[9] Sɛ obi wɔ bi na sɛ obi foforɔ honam baabi a mmoawa no bɛtumi atena kɔka deɛ ɔwɔ bi dada no a, ɔno nso tumi nya aporɔporɔ no bi. Nyɛ obi de ne ho kɔka obi a ɔwɔ bi nko ara a na ɔno nso tumi nya bi. Sɛ ɔde nipa a aporɔporɔ ayɛ no no adeɛ bi te sɛ ataadeɛ anaa mpaboa yɛ ne ho a, ɛnyɛ den koraa sɛ ɔno nso bɛtumi anya bi. .
Risk factors
[sesa]Ɛnyɛ den mma wɔn a wɔanya aporɔporɔ pɛn no sɛ wɔbɛsan nso anya bio. Afei, mpanimfoɔ nso taa nya sene mmɔfra. Ɛkwan korɔ no ara so no, mmarima tae nya sene mmaa. Mmom, sɛ babaso werɛmfoɔ AIDS mmoawa no bi wɔ obi mogya mu a nipa no nya aporɔporɔ .[10] Sɛ aporɔporɔ yi wɔ obi ho kyɛ a, ɛyɛ den sɛ wɔbɛtumi asa.
Diagnosis
[sesa]
Sɛ deɛ ap yi ayɛ no no kɔhunu dɔkota a, ɛkwan baako so na wɔtaa fa fii no hwɛ sɛ ampa deɛ ayɛ no no yɛ aporɔporɔ a. Ɛno ne sɛ wɔbɛhwehwɛ mu ahunu sɛ ɔyarefoɔ no akɔyɛ biribi a ɛtumi de aporɔporɔ ba a. aAfei, wɔbisa ɔyarefoɔ no sɛdeɛ ne hk yɛ no. Wɔhwɛ sɛ ebia baabi a ɛwɔ no abɔ mpompongya anaa ɛho keka no a. Wɔbisa wie a wɔfii honam no ani hwɛ sɛdeɛ ɛwɔ hɔ no yɛ aporɔporɔ a.
Kwan A Wɔfa So Sa Aporɔporɔ
[sesa]Wɔn a wɔnya aporɔporɔ no mu ɔha nkyekyɛmu aduasa de rekɔ aduan na wɔnya aporɔporɔ a ɛsan nso kɔ wɔ berɛ a wɔnyɛ aduro biara.[11] Yei wɔ hɔ deɛ, nanso ne papa mu ne sɛ obi nya aporɔporɔ a, ɔde bɛkɔ ayaresabea akɔgye ayarehwɛ. Esiane sɛ, yɛbɛtumi de yɛn ho ato nnuro a wɔde ko aporɔporɔ no so asene sɛ yɛbɛtena hɔ de yɛn ani ato sɛ ɛno ankasa bɛkɔ. [12]
Ɛkwan foforɔ a wɔfa so sa ne sɛ wɔn a wɔanya bi no bɛhohoro wɔn nan ho berɛ ano berɛ ano. Deɛ nti a yei nso tumi boa ma wɔko aporɔporɔ ne sɛ, honam no ani na mmoa no tae wɔ pa ara. Nti daa wɔhohoro a, nna nwɔtwe mmienu de rekɔ nna nnwɔtwe nsia ntam no, honam no fa a aporɔ no firi hɔ ma foforɔ yi ne ho. Sɛ obi di ne nan ho ni, na daa ɔhwɛ sɛ nsuo nni ne nan ho a ɛboa ma yɛsɔ aporɔporɔ ano, sɛdeɛ yɛaka dada no.
Baabi a Menyaa Mmoa Firiiɛ
[sesa]- ↑ Bell-Syer SE, Khan SM, Torgerson DJ (October 2012). Bell-Syer SE (ed.). "Oral treatments for fungal infections of the skin of the foot". The Cochrane Database of Systematic Reviews. 10 (10): CD003584. doi:10.1002/14651858.CD003584.pub2. PMC 7144818. PMID 23076898.
- ↑ 2.0 2.1 "Hygiene-related Diseases". CDC. 24 December 2009. Archived from the original on 30 January 2016. Retrieved 24 January 2016.
- ↑ 3.0 3.1 "Symptoms of Ringworm". CDC. 6 December 2015. Archived from the original on 20 January 2016. Retrieved 24 January 2016.
- ↑ Kaushik N, Pujalte GG, Reese ST (December 2015). "Superficial Fungal Infections". Primary Care. 42 (4): 501–516. doi:10.1016/j.pop.2015.08.004. PMID 26612371.
- ↑ Moriarty B, Hay R, Morris-Jones R (July 2012). "The diagnosis and management of tinea". BMJ. 345 (7): e4380. doi:10.1136/bmj.e4380. PMID 22782730. S2CID 38106083.
- ↑ Havlickova B, Czaika VA, Friedrich M (September 2008). "Epidemiological trends in skin mycoses worldwide". Mycoses. 51 (Supplement 4): 2–15. doi:10.1111/j.1439-0507.2008.01606.x. PMID 18783559. S2CID 3398710.
- ↑ Rivera ZS, Losada L, Nierman WC (October 2012). "Back to the future for dermatophyte genomics". mBio. 3 (6): e00381–12. doi:10.1128/mBio.00381-12. PMC 3487774. PMID 23111872.
- ↑ Andrews MD, Burns M (May 2008). "Common tinea infections in children". American Family Physician. 77 (10): 1415–1420. PMID 18533375. Archived from the original on 9 November 2013.
- ↑ National Health Service's webpage on Athlete's Foot causes Nhwɛsoɔ:Webarchive
- ↑ Mayo Clinic website, Athlete's Foot Risk Factors Nhwɛsoɔ:Webarchive
- ↑ Over-the-Counter Foot Remedies Nhwɛsoɔ:Webarchive (American Family Physician)
- ↑ Crawford F, Hollis S (July 2007). Crawford F (ed.). "Topical treatments for fungal infections of the skin and nails of the foot" (Review). The Cochrane Database of Systematic Reviews. 2007 (3): CD001434. doi:10.1002/14651858.CD001434.pub2. PMC 7073424. PMID 17636672.