Ankaa (Orange)

Wɔatwerɛ nsɛm wei ɛwɔ Asante kasa mu

(Citrus Sinensis) a wɔsan frɛ no Ankaa yɛ pomelo ne mandarin ankaa a wɔaka abom. Ankaa firi China atɔeɛ fam,Northeast India ne Myanmar na ɛbaeɛ.N’ahosuo no yɛ ahabanmono nanso sɛ ɛbere a na abɛyɛ yɛlo.Yɛwɔ ankaa no bi wɔ hɔ nso a ɛmu no bere kɔkɔɔ.

Ne Dua

Ankaadua no nyini wɔ beaeɛ a ɛwɔ yɛ nwunu kakra na awia nso bɔ kakra. Wɔ afe 2022 mu no,wiase afanaa nyinaa tumi de ankaa ɔpepem aduoson nsia (76million) na ɛbaeɛ a Brazil na ɔde ɛmu kɛseɛ paa baeɛ, bɛyɛ sɛ ɔha mu nkekyɛmu aduonu mmienu. Ɛna India nso ne China toaa so.

Ne Dwumadie

• Yɛdi ankaa ma ɛde ahoɔden ba nipadua no mu.
• Wɔhata ne hono no na wɔahye de apam ntontom.
• Ɛwɔ fibre a ɛboa ma aduane a yɛdi kɔ nipadua no mu no yam.
• Ɛwɔ nnuanenuro a wɔfrɛ no potassium a ɛboa ma akoma no bɔ kama.

Ahodoɔ

Ankaa ahodoɔ no bi ne;

• Mandarin (tangerine)
• Seville ankaa
• Seedling navels
• Jaffa
• Maltese
• Blood orange